Kerala
കരിപ്പൂര് വിമാനത്താവളത്തിലെ സിബിഐ റെയ്ഡ്; നാല് കസ്റ്റംസ് ഉദ്യോഗസ്ഥര്ക്ക് സസ്പെന്ഷന്
കരിപ്പൂര് വിമാനത്താവളത്തിലെ സിബിഐ റെയ്ഡിനെ തുടര്ന്ന് നാല് കസ്റ്റംസ് ഉദ്യോഗസ്ഥരെ സസ്പെന്ഡ് ചെയ്തു. കസ്റ്റംസ് സൂപ്രണ്ട് ഗണപതി പോറ്റി, ഇന്സ്പെക്ടര്മാരായ നരേഷ്, യോഗേഷ്, ഹെഡ് ഹവീല്ദാര് ഫ്രാന്സീസ് എന്നിവരെയാണ് സസ്പെന്ഡ് ചെയ്തിരിക്കുന്നത്.
സിബിഐ നടത്തിയ റെയ്ഡില് കസ്റ്റംസ് ഉദ്യോഗസ്ഥരില് നിന്ന് കണക്കില്പെടാത്ത പണവും സ്വര്ണവും പിടികൂടിയിരുന്നു. ഇതിനെ തുടര്ന്നാണ് നടപടിയുണ്ടായിരിക്കുന്നത്. കരിപ്പൂര് വിമാനത്താവളത്തില് സിബിഐ നടത്തിയ അപ്രതീക്ഷിത റെയ്ഡിലാണ് കസ്റ്റംസ് ഉദ്യോഗസ്ഥരുടെ കൈയില് നിന്ന് പണവും സ്വര്ണവും പിടികൂടിയത്.
കസ്റ്റംസ് പ്രിവന്റീസ് വിഭാഗമാണ് ഉദ്യോഗസ്ഥര്ക്കെതിരെ നടപടിയെടുത്തിരിക്കുന്നത്. കൂടുതല് ഉദ്യോഗസ്ഥര്ക്കെതിരെ നടപടിയെടുക്കുമെന്നാണ് ലഭിക്കുന്ന വിവരം.
