ഈങ്ങാപ്പുഴ: കഴിഞ്ഞ ദിവസം കക്കാട് ഇക്കോ ടൂറിസം പ്രദേശത്തുണ്ടായ മലവെള്ള പാച്ചിലിൽ അകപ്പെട്ട പെൺകുട്ടിയെ രക്ഷിക്കാൻ വേണ്ടിയുള്ള പ്രവർത്തനത്തിൽ പങ്കെടുത്ത ഉണ്ണി, സിയാദ് അമ്പുടു, വിജീഷ്, സണ്ണി, സന്തോഷ്, ജിതിൻ സണ്ണി, സിദ്ധീഖ്, പൗളി രാജു എന്നിവരെ സായി ഡിസാസ്റ്റർ മാനേജ്മെന്റ് ടീം കേരളയുടെയും ഉദയ ക്ലബ് കക്കാടിന്റെയും നേതൃത്വത്തിൽ ആദരിച്ചു.
യോഗം കൊടുവള്ളി ബ്ലോക്ക് പഞ്ചായത്ത് മെമ്പർ കെ.പി സുനീർ ഉത്ഘാടനം ചെയ്തു. അനുമോദനയോഗത്തിൽ സായി ഡിസാസ്റ്റർ മാനേജ്മെന്റ് ടീം ക്യാപ്റ്റൻ സിനീഷ് കുമാർ സായി, ഷാജി, വിപി, നജ്മുദ്ധീൻ എന്നിവരും ഉദയ ക്ലബ് പ്രസിഡന്റ് നാസർ സെക്രട്ടറി ഷംസു പൂക്കോട്ടിൽ, ഷാജി പനന്താനത്ത്, വിജീഷ് കക്കാട് തുടങ്ങിയവർ സംസാരിച്ചു.
