റേഷന്കടകളില് നിന്നും സൗജന്യ ഭക്ഷ്യകിറ്റ് വാങ്ങാന് സാധിക്കാത്തവര്ക്ക് വീണ്ടും അവസരം, ഇക്കാര്യം നിര്ബന്ധമായും ശ്രദ്ധിക്കണം
തിരുവനന്തപുരം: റേഷന് കടകളില് നിന്നും സൗജന്യ ഭക്ഷ്യകിറ്റ് വാങ്ങാന് സാധിക്കാത്തവര്ക്ക് സപ്ലൈകോയുടെ മാവേലി സ്റ്റോറുകള്, സൂപ്പര്മാര്ക്കറ്റുകള് എന്നിവിടങ്ങളില് നിന്നും വാങ്ങാം. കിറ്റ് വാങ്ങാനായി വരുന്നവര് നിര്ബന്ധമായും കൈയ്യില് റേഷന് കാര്ഡ് കരുതേണം.
ജൂണ് 15 വരെയാണ് അവസരം. റേഷന് കടയില് നിന്നും കിറ്റ് വാങ്ങാന് സാധിക്കാത്തവര്ക്ക് സപ്ലൈകോയുടെ മാവേലി സ്റ്റോറുകള്, സൂപ്പര്മാര്ക്കറ്റുകള് എന്നിവിടങ്ങളില് നിന്നും ഉടന് സൗജന്യ ഭക്ഷ്യകിറ്റ് കൈപ്പറ്റാവുന്നതാണെന്ന് ജില്ലാ സപ്ലൈ ഓഫീസര് അറിയിച്ചു.
ബുധനാഴ്ച മുതല് കിറ്റ് വിതരണം ആരംഭിച്ചു. റേഷന് കടകളില് നിന്ന് അതിജീവന കിറ്റ് വാങ്ങാത്തവരാണ് ഈ അവസരം ഉപയോഗിക്കേണ്ടത്. രണ്ടേമുക്കാല് ലക്ഷത്തോളം പേരാണ് കിറ്റ് വാങ്ങാത്തതെന്നാണ് കണക്ക്. കഴിഞ്ഞ 26 നാണ് റേഷന്കട വഴിയുള്ള കിറ്റ് വിതരണം അവസാനിപ്പിച്ചത്.
87.28 ലക്ഷം കാര്ഡുടമകളില് 84.48 ലക്ഷം പേര് കിറ്റ് വാങ്ങി. ശേഷിക്കുന്ന 1.71 ലക്ഷം കിറ്റുകള് റേഷന്കടകളില് നിന്ന് സപ്ലൈകോ തിരിച്ചെടുത്തു. നീലകാര്ഡുകാരാണ് ഏറ്റവും കൂടുതല് വാങ്ങാനുള്ളത്. 76012 പേര്. പുതിയതായി റേഷന്കാര്ഡ് കിട്ടിയവരില് പകുതിപ്പേരും കിറ്റ് വാങ്ങിയിട്ടില്ല.
