Puthuppady
പുതുപ്പാടി മട്ടിക്കുന്നില് വീണ്ടും മാവോയിസ്റ്റുകളെത്തി; സില്വര്ലൈന് പദ്ധതിക്കെതിരെയാണ് നോട്ടീസ്
പുതുപ്പാടി: മട്ടിക്കുന്നില് വീണ്ടും മാവോയിസ്റ്റുകളെത്തി. മട്ടിക്കുന്ന് ബസ്റ്റോപ്പിലും പരിസരത്തെ കടകളിലും പോസ്റ്ററുകളും നോട്ടീസും പതിച്ചാണ് മാവോയിസ്റ്റുകള് സാന്നിധ്യം അറിയിച്ചത്.
കേരളത്തെ കെ റെയില് കമ്പനിക്ക് വിട്ടു നല്കി കൃഷി ഭൂമിയെ നശിപ്പിക്കുന്ന മോദി-പിണറായി സര്ക്കാറുകളുടെ ജനവിരുദ്ധ സില്വര് ലൈനിനെതിരെ സമരം ചെയ്യണമെന്ന് പ്രധാനമായും സില്വര്ലൈന് പദ്ധതിക്കെതിരെയാണ് നോട്ടീസുകള്. ബി ജെ പി, സി പി എം, കോണ്ഗ്രസ് പാര്ട്ടികളുടെ കള്ളക്കളിയാണ് നടക്കുന്നതെന്നും വിമര്ശനമുണ്ടന്നും പോസ്റ്ററില് എഴുതിയിരിക്കുന്നത്.
ഇന്ന് രാവിലെയാണ് പോസ്റ്ററുകള് നാട്ടുകാരുടെ ശ്രദ്ധയില് പെട്ടത്. താമരശ്ശേരി പോലീസും പ്രത്യേക മാവോയിസ്റ്റ് സ്ക്വാഡും സ്ഥലത്തെത്തിയിട്ടുണ്ട്.
പലപ്പോഴായി സായുധരായ മാവോയിസ്റ്റുകള് മട്ടിക്കുന്ന് അങ്ങാടിയില് എത്തിയിരുന്നു.
