പൂവാറൻതോടിൽ കാർഷിക പ്രദർശന വിപണന മേള സംഘടിപ്പിക്കുന്നു
കൂടരഞ്ഞി: കൂടരഞ്ഞി പഞ്ചായത്തിലെ പൂവാറൻതോട് മേഖലയുടെ കാർഷിക വൈവിധ്യവും പ്രകൃതി സൗന്ദര്യവും കൂടുതൽ പേരിലേക്ക് എത്തിക്കുക എന്ന ലക്ഷ്യത്തോടെ ജനകീയ കൂട്ടായ്മയുടെ നേതൃത്വത്തിൽ പൂവാറൻതോടിൽ നാളെ കാർഷിക പ്രദർശന വിപണന മേള നടക്കും. മേളയോടനുബന്ധിച്ച് മൂല്യവർധിത കാർഷിക ഉത്പന്നങ്ങളുടെ സ്റ്റാളുകൾ, സെമിനാറുകൾ, വിനോദസഞ്ചാര മേഖലയുടെ പുതിയ സാധ്യതകൾ വിളിച്ചോതുന്ന ട്രക്കിംഗ്, കലാപരിപാടികൾ തുടങ്ങിയവ നടക്കും.
മേള ഉദ്ഘാടനം തിരുവമ്പാടി എം.എൽ.എ ലിന്റോ ജോസഫ് നിർവഹിക്കുമെന്ന് സംഘാടകർ വാർത്ത സമ്മേളനത്തിൽ അറിയിച്ചു. കൊടുവള്ളി ബ്ലോക്ക് പഞ്ചായത്ത് പ്രസിഡന്റ് ബാബു കളത്തൂർ, മുക്കം നഗരസഭ ചെയർമാൻ പി.ടി ബാബു, കൂടരഞ്ഞി പഞ്ചായത്ത് പ്രസിഡന്റ് ആദർശ് ജോസഫ്, തിരുവമ്പാടി പഞ്ചായത്ത് പ്രസിഡന്റ് മേഴ്സ് പുളിക്കാട്ട്, ജില്ലാ പഞ്ചായത്ത് വികസന സ്ഥിരം സമിതി അധ്യക്ഷ പി.പി ജമീല, ജില്ലാ പഞ്ചായത്ത് അംഗം ബോസ് ജേക്കബ് തുടങ്ങിയവർ പങ്കെടുക്കും.