ബംഗാള് ഉള്ക്കടലില് ന്യൂനമര്ദം: അഞ്ച് ജില്ലകളില് യെല്ലോ അലര്ട്ട്
തിരുവനന്തപുരം: ബംഗാള് ഉള്ക്കടലില് വെള്ളിയാഴ്ചയോടെ ന്യൂനമര്ദം രൂപപ്പെടാന് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. ന്യൂനമര്ദ മേഖല ശനിയാഴ്ചയോടെ ശക്തി പ്രാപിച്ച് വടക്കന് ആന്ധ്ര, തെക്കന് ഒഡീഷ തീരത്തേക്ക് നീങ്ങാന് സാധ്യതയുണ്ടെന്നാണ് അറിയിപ്പ്.
ഇതുമൂലം സംസ്ഥാനത്ത് അതിശക്തമായ മഴയ്ക്ക് സാധ്യതയുണ്ട്. ഇതിന്റെ അടിസ്ഥാനത്തില് ഇന്നും നാളെയും ഇടുക്കി, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് യെല്ലോ അലര്ട്ട് പ്രഖ്യാപിച്ചു.
