Kerala

ആന്റിജൻ ടെസ്റ്റ് ഇനി വീട്ടിൽ വെച്ച് സ്വയം ചെയ്യാം

കോവിഡ് 19 പരിശോധന വീട്ടിൽ നടത്താൻ പ്രത്യേക ടെസ്റ്റ് കിറ്റിന് അം​ഗീകാരവുമായി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ICMR). കോവിസെൽഫ് എന്നാണ് ഈ കോവിഡ് 19 ഹോം ടെസ്റ്റ് കിറ്റ് അറിയപ്പെടുന്നത്. രണ്ട് മിനിറ്റിനകം ചെയ്യാൻ കഴിയുന്ന ടെസ്റ്റിന്റെ ഫലം 15 മിനിറ്റിനകം ലഭിക്കുമെന്ന് കിറ്റ് പുറത്തിറക്കിയ പൂണെയിലെ മെെലാബ് അവകാശപ്പെടുന്നു. പ്രായപൂർത്തിയായ ആർക്കും ഈ കിറ്റ് ഉപയോ​ഗിച്ച് സ്വയം ടെസ്റ്റ് ചെയ്യാം. 

അടുത്ത ആഴ്ചയോടെ ഏഴ് ലക്ഷത്തിലധികം ഫാർമസികൾ വഴിയും ഓൺലെെൻ പാർട്ണർമാർ വഴിയും ടെസ്റ്റ് കിറ്റുകൾ ലഭ്യമാകുമെന്ന് മെെലാബ് ഡിസ്കവറി സൊല്യൂഷൻസ് ഡയറക്ടർ സൂജീത് ജെയിൻ പറഞ്ഞു. 

ഈ ടെസ്റ്റിൽ പോസിറ്റീവായാൽ ആർ.ടി.പി.സി.ആർ. ടെസ്റ്റിന്റെ ആവശ്യമില്ലെന്നും ഐ.സി.എം.ആർ. വ്യക്തമാക്കുന്നു. 

കോവിഡ് ലക്ഷണങ്ങൾ ഉള്ളവരും കോവിഡ് രോ​ഗികളുമായി സമ്പർക്കത്തിൽ ഉള്ളവരും മാത്രം ഈ കിറ്റ് ഉപയോ​ഗിച്ച് ടെസ്റ്റ് ചെയ്താൽ മതി. 

Related Articles

Leave a Reply

Back to top button