Kerala
വയനാട്ടില് ഒരാള്ക്ക് കൂടി കുരങ്ങുപനി സ്ഥിരീകരിച്ചു; കാടതിര്ത്തിയില് താമസിക്കുന്നവര്ക്ക് അതീവ ജാഗ്രതാ നിര്ദേശം
വയനാട്: വയനാട്ടില് ഒരാള്ക്ക് കൂടി കുരങ്ങുപനി സ്ഥിരീകരിച്ചു. ഇതോടെ രോഗം ബാധിച്ച് ചികിത്സയില് കഴിയുന്നവരുടെ എണ്ണം നാലായി ഉയര്ന്നിരിക്കുകയാണ്. ഈ വര്ഷം സംസ്ഥാനത്ത് രോഗം സ്ഥിരീകരിച്ചത് 13 പേര്ക്കാണ്. കഴിഞ്ഞ ഞായറാഴ്ച കുരങ്ങുപനി ബാധിച്ച് വയനാട്ടില് മധ്യവയസ്ക മരിച്ചിരുന്നു.
രോഗം പടര്ന്ന് പിടിക്കുന്ന സാഹചര്യത്തില് വയനാട്ടില് കുരങ്ങുപനിക്കെതിരെ ആരോഗ്യവകുപ്പ് അധികൃതര് അതീവ ജാഗ്രതാ നിര്ദേശമാണ് നല്കുന്നത്. കാടുമായി ബന്ധപ്പെട്ട് പ്രവര്ത്തിക്കുന്നവരും കാടതിര്ത്തിയില് താമസിക്കുന്നവരും കര്ശന ജാഗ്രത പാലിക്കണമെന്ന് അധികൃതര് അറിയിച്ചു. ഹീമോഫൈസാലിസ് വിഭാഗത്തില്പെട്ട ചെള്ളുപ്രാണിയാണ് കുരങ്ങുപനി രോഗവാഹകര്. പ്രധാനമായും കുരങ്ങന്റെ ശരീരത്തില് ജീവിക്കുന്ന ഈ പ്രാണി കുരങ്ങന് ചാകുന്നതോടെ മൃഗങ്ങളിലേക്കും മനുഷ്യരിലേക്കും രോഗം പടരുകയാണ്യ
