സംസ്ഥാനത്തിന് ഇന്നും ആശ്വാസം; ഇന്ന് എട്ട് പേര്ക്ക് കൂടി രോഗം ഭേദമായി; ഇതോടെ രോഗം ഭേദമായവരുടെ എണ്ണം 50 ആയി
തിരുവനന്തപുരം: സംസ്ഥാനത്തിന് ഇന്നും ആശ്വാസം. സംസ്ഥാനത്ത് കൊവിഡ് 19 ബാധിച്ച് ചികിത്സയിലായിരുന്ന എട്ട് പേര്ക്ക് ഇന്ന് രോഗം ഭേദമായി. ഇതോടെ സംസ്ഥാനത്ത് കൊവിഡ് ബാധിച്ച് ചികിത്സയിലായിരുന്ന 50 പേര്ക്ക് രോഗം ഭേദമായി. കണ്ണൂര് ജില്ലയില് നിന്നും 7 പേരുടെയും തിരുവനന്തപുരം ജില്ലയിലെ ഒരാളുടെയും പരിശോധനാഫലമാണ് ഇന്ന് നെഗറ്റീവ് ആയത്.
അതെസമയം ഇന്ന് 11 പേര്ക്ക് കൂടി കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് ആകെ കൊവിഡ് ബാധിതരുടെ എണ്ണം 306 ഉയര്ന്നു. കാസര്കോട് ആറ് പേര്ക്കും, കൊല്ലം, ആലപ്പുഴ, എറണാകുളം, പാലക്കാട്, കണ്ണൂര് ജില്ലകളില് നിന്നുള്ള ഓരോരുത്തര്ക്കുമാണ് രോഗം സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 5 പേര് ദുബായില് നിന്നും 3 പേര് നിസാമുദ്ദീനില് നിന്നും ഒരാള് നാഗ്പൂരില് നിന്നും എത്തിയവരാണ്. 2 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
