വൈദ്യുതി ബോര്ഡിന്റെ ക്യാഷ് കൗണ്ടറുകള് മെയ് നാലു മുതല് തുറന്ന് പ്രവര്ത്തിക്കും; ബില് അടയ്ക്കാന് ഓണ്ലൈന് സംവിധാനം ഉപയോഗിക്കണമെന്ന് മുഖ്യമന്ത്രി
തിരുവനന്തപുരം: കൊറോണ വൈറസ് പ്രഖ്യാപിച്ച ലോക്ക് ഡൗണിനെ തുടര്ന്ന് അടച്ചിട്ട വൈദ്യുതി ബോര്ഡിന്റെ ക്യാഷ് കൗണ്ടറുകള് മെയ് നാല് മുതല് തുറന്ന് പ്രവര്ത്തിക്കുമെന്ന് മുഖ്യമന്ത്രി പിണറായി വിജയന്. ഇന്ന് തിരുവനന്തപുരത്ത് നടത്തിയ വാര്ത്താ സമ്മേളനത്തിലാണ് അദ്ദേഹം ഇക്കാര്യം അറിയിച്ചത്.
ക്യാഷ് കൗണ്ടറുകള് തുറക്കുന്നതോടെ അവയ്ക്ക് മുന്നില് തിരക്കുണ്ടാകുന്നത് ഒഴിവാക്കാന് കണ്സ്യൂമര് നമ്പര് അടിസ്ഥാനമാക്കിയുള്ള ക്രമീകരണം ഏര്പ്പെടുത്തുമെന്നും മുഖ്യമന്ത്രി വ്യക്തമാക്കി. ലോക്ക്ഡൗണ് കാലത്തെ ബില്ലുകള്ക്ക് മെയ് 16 വരെ സര്ചാര്ജ് ഒഴിവാക്കുമെന്ന് വൈദ്യുതി ബോര്ഡ് വ്യക്തമാക്കിയിട്ടുണ്ട്.
ഓഫീസുകളില് എത്താതെ വൈദ്യുതി ബില് അടയ്ക്കാന് ഓണ്ലൈന് സംവിധാനമുണ്ട്. അത് എല്ലാവരും പരമാവധി പ്രയോജനപ്പെടുത്തണമെന്നും കൊറോണ അവലോകന യോഗത്തിനുശേഷം നടത്തിയ വാര്ത്താ സമ്മേളനത്തില് മുഖ്യമന്ത്രി അഭ്യര്ത്ഥിക്കുകയും ചെയ്തു
