സംസ്ഥാനത്ത് രണ്ടുദിവസം കൂടി ശക്തമായ മഴക്ക് സാധ്യത; ഇന്ന് എട്ട് ജില്ലകളില് യെല്ലോ അലേര്ട്ട് പ്രഖ്യാപിച്ചു
തിരുവനന്തപുരം: കേരളത്തില് രണ്ടുദിവസം കൂടി ശക്തമായ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം. ഇന്ന് എട്ട് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, ആലപ്പുഴ, എറണാകുളം, ഇടുക്കി, തൃശ്ശൂര്, കോഴിക്കോട്, കണ്ണൂര് എന്നീ ജില്ലകളിലാണ് ഇന്ന് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
കടല് പ്രക്ഷുബ്ധമായതിനാല് മത്സ്യതൊഴിലാളികള് ജാഗ്രത പാലിക്കണമെന്നും അധികൃതര് അറിയിച്ചു. വടകരയിലാണ് ഇന്നലെ കൂടുതല് മഴ രേഖപ്പെടുത്തിയത്, 12 സെന്റീമീറ്റര് മഴയാണ് ഇവിടെ രേഖപ്പെടുത്തിയത്. ഉരുള്പൊട്ടല് മേഖലയിലും, നദി തീരത്തും താമസിക്കുന്നവര് പ്രത്യേക ജാഗ്രത പാലിക്കണമെന്ന് അധികൃതര് നിര്ദേശിച്ചിട്ടുണ്ട്. ജലനിരപ്പ് നിലനിര്ത്തുന്നതിന്റെ ഭാഗമായി അരുവിക്കര ഡാമിന്റെ ഷട്ടര് 80 സെന്റീമീറ്റര് ഉയര്ത്തിയിട്ടുണ്ട്.
കേരള, ലക്ഷദ്വീപ് തീരങ്ങളില് തെക്ക്-പടിഞ്ഞാറ് ദിശയില് നിന്നും മണിക്കൂറില് 40 മുതല് 50 കിമീറ്റര് വേഗതയില് ശക്തമായ കാറ്റ് വീശാന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. കടലാക്രമണ സാധ്യത ഉള്ളതിനാല് തീരദേശവാസികള് മുന്കരുതല് എടുക്കണമെന്നും നിര്ദേശിച്ചിട്ടുണ്ട്.
