കൊടുവള്ളിയില് വീണ്ടും കവര്ച്ചാ സംഘം ഇതരസംസ്ഥാന തൊഴിലാളിയെ ബൈക്കില് വലിച്ചിഴച്ചു
കൊടുവള്ളി: കൊടുവള്ളിയില് വീണ്ടും കവര്ച്ചാ സംഘം ഇതര സംസ്ഥാന തൊഴിലാളിയെ ബൈക്കില് വലിച്ചിഴച്ചു. ജാര്ഘണ്ഡ് സ്വദേശി നജ്മുല് ശൈഖിനെയാണ് രണ്ട് ബൈക്കുകളിലായെത്തിയ സംഘം റോഡിലൂടെ വലിച്ചിഴച്ചത്. വെള്ളിയാഴ്ച പുലര്ച്ചെയാണ് രണ്ട് സ്കൂട്ടറുകളിലായി അഞ്ചുപേര് കൊടുവള്ളി മദ്രസാ ബസാറിലെ ഇതര സംസ്ഥാന തൊഴിലാളികളുടെ താമസസ്ഥലത്ത് കവര്ച്ചക്കെത്തിയത്.
പുലര്ച്ചെ രണ്ടരയോടെ രണ്ടുപേര് ജാര്ഘണ്ഡ് സ്വദേശി നജ്മുല് ശൈഖ് താമസിക്കുന്ന മുറിയുടെ കൊളുത്ത് തകര്ത്ത് അകത്ത് കടന്നു. ഈ സമയം ഒരു സ്കൂട്ടറില് ഒരാളും മറ്റൊരു സ്കൂട്ടറില് രണ്ട് പേരും റോഡില് നില്ക്കുന്നുണ്ടായിരുന്നു. മുറിയിലെത്തിയവര് കവര്ച്ച നടത്തുന്നതിനിടെ നജ്മുല് ശൈഖ് അറിയുകയും മോഷ്ടാക്കളെ പ്രതിരോധിക്കുകയും ചെയ്തു. ഏറെ നേരത്തെ മല്പ്പിടുത്തത്തിനൊടുവില് കവര്ച്ചാ സംഘം ഇറങ്ങി ഓടി. കവര്ച്ചക്കാര് രക്ഷപ്പെടുമ്പോള് നജ്മുല് ശൈഖ് സ്കൂട്ടറില് പിടിച്ചു വലിച്ചെങ്കിലും അതിവേഗത്തില് സ്കൂട്ടര് മുന്നോട്ടെടുത്തു. ഇതോടെ നജ്മുല് ശൈഖ് ദേശീയ പാതയിലേക്ക് തെറിച്ച് വീഴുകയായിരുന്നു.
ഈ സമയം ദേശീയ പാതയിലൂടെ മറ്റു വാഹനങ്ങള് വരാതിരുന്നതിനാല് വന് ദുരന്തം ഒഴിവായി. കവര്ച്ചാ സംഘം എത്തുന്നതിന്റെയും നജ്മുല് ശൈഖിനെ റോഡില് വീഴ്ത്തി രക്ഷപ്പെടുന്നതിന്റെയും ദൃശ്യങ്ങള് സി സി ടി വി ക്യാമറകളില് പതിഞ്ഞിട്ടുണ്ട്. ദേഹമാസകം സാരമായി പരുക്കേറ്റ നജ്മുല് ശൈഖിനെ നാട്ടുകാര് താമരശ്ശേരി താലൂക്ക് ആശുപത്രിയില് പ്രവേശിപ്പിച്ചു. സംഭവത്തില് കൊടുവള്ളി പോലീസ് അന്വേഷണം ആരംഭിച്ചു. ഏതാനും ദിവസങ്ങള്ക്ക് മുമ്പ് കിഴക്കോത്ത് എളേറ്റില് വട്ടോളിയില് മൊബൈല് കവര്ച്ചക്കിടെ ഇതര സംസ്ഥാന തൊഴിലാളിയെ ബൈക്കില് വലിച്ചിഴച്ചിരുന്നു. സംഭവത്തില് രണ്ടു പേര് കൊടുവള്ളി പോലീസ് അറസ്റ്റ് ചെയ്യുകയും പ്രതികള് റിമാണ്ടിലാവുകയും ചെയ്തു. ഇതിന്ന് പിന്നാലെയാണ് കൊടുവള്ളിയില് വീണ്ടും കവര്ച്ചയും അക്രമവും
