കാരശ്ശേരി : പാറത്തോട് സെയ്ൻറ് ജോസഫ്സ് ദേവാലയത്തിൽ ഇടവക മധ്യസ്ഥനായ വിശുദ്ധ യൗസേപ്പിതാവിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ ആരംഭിച്ചു.
എട്ടുദിവസം നീണ്ടുനിൽക്കുന്ന പെരുന്നാൾ ആഘോഷം 19-ന് സമാപിക്കും. ഇടവക വികാരി ഫാ. ജയ്സൺ കാരക്കുന്നേൽ കൊടിയേറ്റ് കർമം നിർവഹിച്ചു. കുർബാന, മരിച്ചവരുടെ ഓർമ്മദിനാചരണം എന്നിവയ്ക്കും നേതൃത്വംനൽകി. ബുധനാഴ്ച ഫാ. മനോജ് കൊല്ലംപറമ്പിലിന്റെ നേതൃത്വത്തിൽ തിരുനാൾ കുർബാന, പാറത്തോട് കപ്പേളയിലേക്ക് പ്രദക്ഷിണം, വചനസന്ദേശം, ഊട്ടുനേർച്ച മുതലായവ പ്രധാന പരിപാടികളാണ്.
