ലോക പാലിയേറ്റീവ് ദിനാചരണത്തിന്റെ ഭാഗമായി പെയിൻ ആൻഡ് പാലിയേറ്റീവ് അസോസിയേഷൻ വളണ്ടിയർ സംഗമവും പരിശീലന ക്ലാസും നടത്തി
കൊടിയത്തൂർ: കൊടിയത്തൂർ പെയിൻ ആൻഡ് പാലിയേറ്റീവ് അസോസിയേഷൻ വളണ്ടിയർ സംഗമവും പരിശീലന ക്ലാസും സംഘടിപ്പിച്ചു. ലോക പാലിയേറ്റീവ് ദിനാചരണത്തിന്റെ ഭാഗമായാണ് പരിപാടി സംഘടിപ്പിച്ചത്. പരിപാടി കണ്ണൂർ ജില്ലാ ജഡ്ജ് കെ.ടി. നിസാർ അഹമ്മദ് ഉദ്ഘാടനം ചെയ്തു.
പാലിയേറ്റീവ് ചെയർമാൻ എം. അബ്ദുറഹിമാൻ അധ്യക്ഷത വഹിച്ച പരിപാടിയിൽ,എൻ.കെ ഷമീർ (ദമ്മാം) മുഖ്യപ്രഭാഷണം നടത്തുകയുണ്ടായി, കൂടാതെ ബ്ലോക്ക് പഞ്ചായത്തിന്റെ മെമ്പർ സുഹറ വെള്ളങ്ങോട്, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ മറിയം കുട്ടിഹസ്സൻ, വാർഡ് മെമ്പർ ടി.കെ. അബൂബക്കർ, കോഴിക്കോട് ഇനിഷ്യേറ്റീവ് ഇൻ പാലിയേറ്റീവ് ജനറൽ സെക്രട്ടറി നിസാർ കൊളായി, മജീദ് കുവ്വപ്പാറ എന്നിവർ പ്രസംഗിച്ചു.
പരിശീലന ക്ലാസിന് ട്രെയിനർ ഷഫീഖ് കത്തറമ്മൽ, ജാബിർ വാഴക്കാട് എന്നിവർ നേതൃത്വം നൽകി. സെക്രട്ടറി പി.എം. നാസർ സ്വാഗതം അറിയിച്ചു, എ.എം. മുഹമ്മദ് ബഷീർ നന്ദി പറഞ്ഞു.
