വിവിധ വകുപ്പുകളില് 10 വര്ഷം പൂര്ത്തിയാക്കിയ താത്കാലിക ജീവനക്കാരെ സ്ഥിരപ്പെടുത്താന് മന്ത്രിസഭാ യോഗത്തിന്റെ അനുമതി. താത്കാലിക ജീവനക്കാരെ സ്ഥിരപ്പെടുത്തുമ്പോള് ആ തസ്തിക പിഎസ്സിക്ക് വിട്ടതല്ലെന്ന് ഉറപ്പുവരുത്തണമെന്ന് യോഗത്തില് മുഖ്യമന്ത്രി നിര്ദേശം നല്കി. നിലവിലുള്ള റാങ്ക് ലിസ്റ്റുകളില് നിന്ന് നിയമനം നല്കാനുള്ള ഒഴിവുകള് ഉണ്ടോയെന്ന് പരിശോധിക്കാനും മുഖ്യമന്ത്രി നിര്ദേശം നല്കി.
10 വര്ഷം പൂര്ത്തിയാക്കിയ കരാര് ജീവനക്കാരെയും താത്കാലിക ജീവനക്കാരെയുമാണ് സ്ഥിരപ്പെടുത്തുക. ഒഴിവുള്ള നിയമനങ്ങള് ഉടന് റിപ്പോര്ട്ട് ചെയ്യണമെന്നും നിര്ദേശമുണ്ട്. അതേസമയം, സെക്രട്ടേറിയറ്റിന് മുന്നില് ഉദ്യോഗാര്ത്ഥികളുടെ സമരം ശക്തമാവുകയാണ്. റാങ്ക് ലിസ്റ്റിന്റെ കാലാവധി നീട്ടി നല്കണമെന്നാണ് ഉദ്യോഗാര്ത്ഥികളുടെ ആവശ്യം
