Kerala
പ്രണയാഭ്യര്‍ത്ഥന നിരസിച്ചു; പെൺകുട്ടിയെ കുത്തി കൊലപ്പെടുത്തി; സഹോദരിക്കും പരിക്ക്; അച്ഛൻ്റെ കട കത്തിച്ചു; പെരിന്തൽമണ്ണയിൽ യുവാവ് പിടിയിൽ
പെരിന്തൽമണ്ണ : പ്രണയാഭ്യര്‍ത്ഥന നിരസിച്ച പെൺകുട്ടിയെ വീട്ടിൽ കയറി കുത്തിക്കൊലപ്പെടുത്തിയ യുവാവ് പിടിയിൽ.
എളാട് സ്വദേശി ദ്യശ്യ ആണ് മരിച്ചത്. 21 വയസ്സുണ്ട്.
പ്രതി വിനീഷിനെ പൊലീസ് കസ്റ്റഡിയിലെടുത്തു. സഹോദരിക്കും കുത്തേറ്റു. അവരെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചു.
വീടിന്റെ രണ്ടാം നിലയിലുള്ള മുറിയിൽ കയറിയാണ് ഇന്ന് രാവിലെ വിനീഷ് ആക്രമണം നടത്തിയത്.
കുട്ടികളുടെ അച്ഛന്റെ കട ഇന്നലെ കത്തിയിരുന്നു . ഇതിന് പിന്നിലും പ്രതിയാണെന്നാണ് പൊലീസ് കരുതുന്നത്. രാത്രിയാണ് കട കത്തിയത്.
രാവിലെയാണ് പെൺകുട്ടിയെ വിനീഷ് വീട്ടിൽ കയറി കുത്തിയത്. പ്രതിയെ കുന്നക്കാവ് വെച്ച് നാട്ടുകാർ ഓടിച്ച് പിടികൂടിയാണ് പൊലീസിൽ.
പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ച ഇളയ സഹോദരി അപകട നില തരണം ചെയ്തതായി അറിയുന്നു.
