മരഞ്ചാട്ടിയിൽ ആരോഗ്യ വകുപ്പും പോലീസും സംയുക്തമായി നടത്തിയ മിന്നൽ പരിശോധനയിൽ നിരോധിത പുകയില ഉത്പന്നങ്ങൾ പിടികൂടി
കൂടരഞ്ഞി: മരഞ്ചാട്ടിയിൽ ആരോഗ്യ വകുപ്പും പോലീസും സംയുക്തമായി നടത്തിയ മിന്നൽ പരിശോധനയിൽ സ്കൂൾ വിദ്യാർഥികൾ അടക്കമുള്ളവർക്ക് വിൽപ്പനയ്ക്കായി സൂക്ഷിച്ച നിരോധിക്കപ്പെട്ട പുകയില ഉത്പന്നങ്ങൾ പിടികൂടി. നിരോധിത പുകയില ഉത്പന്നങ്ങൾ വിതരണം ചെയ്യുന്നു എന്ന് സംശയിക്കുന്ന ഓട്ടോറിക്ഷ തിരുവമ്പാടി പോലീസിന്റെ സഹായത്തോടെ കസ്റ്റഡിയിൽ എടുത്തു.
തുടർന്ന് നടത്തിയ അന്വേഷണത്തിൽ മരഞ്ചാട്ടിയിലെ ഒരു പലചരക്ക് കടയിൽ നിന്ന് നിരോധിത ഉൽപ്പന്നങ്ങൾ കണ്ടെടുക്കുകയും ചെയ്തു. ഇയാൾക്കെതിരെ തിരുവമ്പാടി പോലീസ് കേസെടുത്തു. പരിശോധനയ്ക്ക് കൂടരഞ്ഞി ഹെൽത്ത് ഇൻസ്പെക്ടർ ജോണ്സൺ ജോർജ്, ജൂണിയർ ഹെൽത്ത് ഇൻസ്പെക്ടർമാരായ ജസ്റ്റി ജി ജോസ്, പി. സീമ,എൻ.സലിജ, തിരുവമ്പാടി സബ് ഇൻസ്പെക്ടർ ജോയ് തുടങ്ങിയവർ നേതൃത്വം നൽകി.
