പുന്നക്കൽ വഴിക്കടവ് പാലത്തിൽ നിന്ന് കാർ നിയന്ത്രണം വിട്ടു പുഴയിലേക്ക് മറിഞ്ഞു

പുന്നക്കൽ: വഴിക്കടവ് പാലത്തിൽ നിന്നും കാർ നിയന്ത്രണം വിട്ടു പുഴയിലേയ്ക്ക് മറിഞ്ഞു. തിരുവമ്പാടി ഭാഗത്തു നിന്നും പുന്നക്കൽ ഭാഗത്തേയ്ക്ക് വരികയായിരുന്ന കൊടുവള്ളി സ്വദേശികളായ 5 പേർ സഞ്ചരിച്ച കാറാണ് അപകടത്തിൽ പെട്ടത്. രാവിലെ 10 മണിയോടെയാണ് അപകടം നടന്നത്.

പരിക്കേറ്റവരെ തിരുവമ്പാടി സ്വകാര്യ ഹോസ്പിറ്റലിൽ പ്രവേശിച്ചെങ്കിലും തുടർ ചികിത്സക്ക് കോഴിക്കോട് മെഡിക്കൽ കോളേജിലേക്ക് മാറ്റി, പുഴയിൽ നിന്നും കാർ ഉയർത്താനുള്ള ശ്രമങ്ങളും നടത്തിവരുന്നു.