കൊടിയത്തൂർ: കൊടിയത്തൂർ മേഖലാ ‘സുരക്ഷ’ പെയിൻ ആൻഡ് പാലിയേറ്റീവിന് കോഴിക്കോട് ആസ്റ്റർ മിംസ് ചാരിറ്റബിൾ ട്രസ്റ്റ് രോഗീസഹായ ഉപകരണങ്ങൾ സംഭാവനചെയ്തു.ഫോൾഡിങ് കോട്ട്, കട്ടിലുകൾ, വീൽച്ചെയറുകൾ മുതലായവയാണ് നൽകിയത്. സുരക്ഷ ഓഫീസിൽനടന്ന ചടങ്ങിൽ ആസ്റ്റർ മിംസ് ചാരിറ്റബിൾ ട്രസ്റ്റ് മാനേജർ കെ.വി. ഹസീമിൽനിന്ന് സുരക്ഷ രക്ഷാധികാരി ഇ. രമേശ്ബാബു ഉപകരണങ്ങൾ ഏറ്റുവാങ്ങി.
മേഖലാ ചെയർമാൻ ഷബീർ ചെറുവാടി അധ്യക്ഷനായി. എം.കെ. ഉണ്ണിക്കോയ, വി.സി. രാജൻ, കെ.പി. ഹമീദ്, വി.സി. വേലായുധൻ, ടി. അനസ്, ബാലൻ കൈതക്കൽ, എൻ. രവീന്ദ്രകുമാർ, പി.പി. സുരേഷ്ബാബു എന്നിവർ സംസാരിച്ചു.
