മുക്കം ∙ ഡി കാറ്റഗറിയിലുള്ള കൊടിയത്തൂർ പഞ്ചായത്തിൽ ക്വാറന്റീൻ ലംഘിക്കുന്നവർക്കെതിരെ കർശന നടപടി സ്വീകരിച്ചും വാഹന പരിശോധന ശക്തമാക്കിയും പൊലീസ് നടപടികൾ ഊ‍ർജിതമാക്കി. പരമാവധി ആളുകളെ കോവിഡ് പരിശോധന ക്യാംപുകളി‍ൽ എത്തിക്കുന്നതിനും നടപടി ശക്തമാക്കി.
പഞ്ചായത്തിന്റെ വിവിധ വാർഡുകളിൽ കോവിഡ് സ്ഥിരീകരിച്ചവരുടെ എണ്ണം വർധിച്ചതോടെയാണ് ഡി കാറ്റഗറിയിൽ ഉൾപ്പെട്ടത്. ക്വാറന്റീൻ ലംഘിച്ചതിന് കഴിഞ്ഞ ദിവസം ഒരാളുടെ പേരിൽ പൊലീസ് കേസെടുത്തു. പന്നിക്കോട് അങ്ങാടി കേന്ദ്രീകരിച്ച് എസ്ഐ പി.അസൈന്റെ നേതൃത്വത്തിലായിരുന്നു ഇന്നലെ വാഹന പരിശോധന.
