‘ജീവന് നഷ്ടമായവരുടെ കുടുംബാംഗങ്ങളുടെ ദുഃഖത്തില് പങ്കുചേരുന്നു’; കോയമ്പത്തൂര് അപകടത്തില് അനുശോചനം അറിയിച്ച് പ്രധാനമന്ത്രി
ന്യൂഡല്ഹി: കോയമ്പത്തൂര് അവിനാശിയില് കെഎസ്ആര്ടിസി ബസ്സും കണ്ടെയ്നര് ലോറിയും കൂട്ടിയിടിച്ച് ഉണ്ടായ അപകടത്തില് അനുശോചനം അറിയിച്ച് പ്രധാനമന്ത്രി നരേന്ദ്രമോഡി. അപകടത്തില് ജീവന് നഷ്ടമായവരുടെ കുടുംബാംഗങ്ങളുടെ ദുഃഖത്തില് പങ്കുചേരുന്നു എന്ന് പ്രധാനമന്ത്രി ട്വിറ്ററില് കുറിച്ചു. പരിക്ക് പറ്റിയവര് എത്രയും പെട്ടെന്ന് സുഖം പ്രാപിക്കട്ടെ എന്നും പ്രധാനമന്ത്രി ട്വീറ്റ് ചെയ്തു.
പുലര്ച്ചെ മൂന്നരയോടെ ബെംഗളൂരുവില് നിന്ന് എറണാകുളത്തേക്ക് വരികയായിരുന്ന കെഎസ്ആര്ടിസി വോള്വോ ബസിലേക്ക് ലോറി ഇടിച്ചു കയറിയാണ് അപകടം ഉണ്ടായത്. അപകടത്തില് 20 പേര് മരിച്ചു. നിരവധി പേര്ക്ക് പരിക്കേറ്റിട്ടുണ്ട്.
കടവന്ത്രയില് പ്രവര്ത്തിക്കുന്ന കോസ്റ്റ ഷിപ്പിംഗ് എന്ന കമ്പനിയുടേതാണ് ലോറി. വല്ലാര്പാടം ടെര്മിനലില് നിന്നും ടൈല് നിറച്ച കണ്ടെയിനറുമായി പോകുകന്നതിനിടെയാണ് ലോറി അപകടത്തില്പ്പെട്ടത്. കോയമ്പത്തൂര് സേലം ബൈപ്പാസില് വച്ചായിരുന്നു അപകടം.
മുന്വശത്തെ ടയര് പൊട്ടിയ കണ്ടെയ്നര് ലോറി, റോഡിന് ഇടയ്ക്കുള്ള ഡിവൈഡര് മറികടന്ന് മറുഭാഗത്ത് വണ്വേയില് പോകുകയായിരുന്ന കെഎസ്ആര്ടിസി ബസിലേക്ക് വന്നിടിച്ചുകയറുകയായിരുന്നു. കോയമ്പത്തൂരിനടുത്ത് തിരുപ്പൂരിലേക്ക് പ്രവേശിക്കുന്ന അവിനാശിയില് വെച്ചാണ് അപകടമുണ്ടായത്.
