മുക്കം: ആൾമറയില്ലാത്ത കിണറിൽ വീണ പോത്തിനെ അഗ്നിരക്ഷാ സേന രക്ഷപ്പെടുത്തി. മുക്കം നഗരസഭയിലെ മണാശ്ശേരി ചെട്ട്യാൻ തൊടികയിൽ പ്രവീണിന്‍റെ ഒന്നര ക്വിന്‍റൽ തൂക്കംവരുന്ന പോത്താണ് കിണറ്റിൽ വീണത്. പുലർച്ചെയാണ് കെട്ടഴിഞ്ഞ് ആൾ മറയില്ലാത്തതും ഇടുങ്ങിയതുമായ ഒരാൾ വെള്ളമുള്ള കിണറിൽ പോത്ത് വീണത്.
നാട്ടുകാര്‍ വിവരമറിയിച്ചതിനെ തുടര്‍ന്ന് മുക്കം അഗ്നി രക്ഷാനിലയത്തിൽ നിന്നും അസി. സ്റ്റേഷൻ ഓഫീസർ എൻ.വിജയന്‍റെ നേതൃത്വത്തിൽ സ്ഥലത്തെത്തിയ സംഘം റെസ്ക്യൂ ഹോസിൽബന്ധിച്ച് അതിസാഹസികമായാണ് പോത്തിനെ പുറത്തെടുത്തത്.
സീനിയർ ഫയർ ഓഫീസർ എം.സി. മനോജ്, ഫയർ ഓഫീസർമാരായ ടി.എസ്.സിബി, എം.ഷൈബിൻ, കെ.എം. അഖിൽ, പി.കെ.മനു പ്രസാദ് , ഹോംഗാർഡ് ചാക്കോ ജോസഫ് എന്നിവർ നേതൃത്വം നല്‍കി.
