Thiruvambady
കാളിയാമ്പുഴ ബസ്സപകടം: സമഗ്രാന്വേഷണത്തിന് നടപടി തുടങ്ങുമെന്ന് വടകര റൂറൽ എസ്.പി
തിരുവമ്പാടി: കാളിയാമ്പുഴയിൽ രണ്ടുപേരുടെ മരണത്തിനും ഒട്ടേറെപ്പേർക്ക് പരിക്കേൽക്കാനും ഇടയാക്കിയ ബസ്സപകടത്തിന്റെ കാരണം കണ്ടെത്താൻ സംയുക്തവകുപ്പുകളുടെ നേതൃത്വത്തിൽ സമഗ്രാന്വേഷണം നടത്തുമെന്ന് വടകര റൂറൽ എസ്.പി. പി. നിധിൻരാജ് അറിയിച്ചു. ബസ്സ് അപകടം ഏതുവിധത്തിലുള്ള കാരണം മൂലമാണ് സംഭവിച്ചതെന്ന് വിദഗ്ധസംഘം അന്വേഷിക്കുന്നതായി അദ്ദേഹം മാധ്യമപ്രവർത്തകരോട് പറഞ്ഞു.
അപകടത്തിൽ പരിക്കേറ്റതിനാൽ ഡ്രൈവറുടെ മൊഴിയെടുക്കാൻ ഇപ്പോഴുള്ള സാഹചര്യം അനുകൂലമല്ലാത്തതും അദ്ദേഹം വ്യക്തമാക്കി. ഇതോടെ സംഭവത്തെക്കുറിച്ചുള്ള വിശദമായ അന്വേഷണം നടത്തുമെന്ന് അധികൃതർ വ്യക്തമാക്കി.
താമരശ്ശേരി ഡിവൈ.എസ്.പി. പ്രമോദ്, തിരുവമ്പാടി സ്റ്റേഷൻ ഇൻസ്പെക്ടർ ധനഞ്ജയ് ദാസ്, താമരശ്ശേരി തഹസിൽദാർ കെ. ബാലരാജൻ, കെ.എസ്.ആർ.ടി.സി. ജില്ലാ ട്രാൻസ്പോർട്ട് ഓഫീസർ മനീഷ് തുടങ്ങിയവർ അപകടസ്ഥലം സന്ദർശിച്ചു.
