Kerala
അടുത്ത 24 മണിക്കൂറില് ശക്തമായ കാറ്റിന് സാധ്യത; മത്സ്യബന്ധനത്തിന് പോകരുതെന്ന് മുന്നറിയിപ്പ്
തിരുവനന്തപുരം: അടുത്ത 24 മണിക്കൂറില് തെക്കു-കിഴക്കന് അറബിക്കടലിലും അതിനോട് ചേര്ന്നുള്ള കന്യാകുമാരി തീരങ്ങളിലും ശക്തമായ കാറ്റിന് സാധ്യത ഉണ്ടെന്ന് കാലാവസ്ഥാ നിരീക്ഷണവകുപ്പ്. മണിക്കൂറില് 40 മുതല് 50 കിമീ വേഗതയില് ശക്തമായ കാറ്റ് വീശാന് സാധ്യത ഉണ്ടെന്നാണ് അധികൃതര് മുന്നറിയിപ്പ് നല്കിയിരിക്കുന്നത്.
ശക്തമായ കാറ്റ് വീശാന് സാധ്യത ഉള്ളതിനാല് കേരള, കര്ണാടക, ലക്ഷ്വദ്വീപ് തീരങ്ങളില് മല്സ്യ തൊഴിലാളികള് മത്സ്യബന്ധനത്തിന് പോകരുതെന്നും അധികൃതര് അറിയിച്ചു. ഇന്നും നാളെയും ആന്ധ്രാ തീരത്തും അതിനോട് ചേര്ന്നുള്ള മധ്യ പടിഞ്ഞാറ് ബംഗാള് ഉള്ക്കടലിലും മണിക്കൂറില് 40 മുതല് 50 കിമീ വേഗതയില് ശക്തമായ കാറ്റിനു സാധ്യതയുണ്ടെന്നും ഈ പ്രദേശങ്ങളില് ഈ കാലയളവില് മത്സ്യബന്ധനത്തിന് പോകരുതെന്നും കേന്ദ്ര കാലാവസ്ഥ കേന്ദ്രം മുന്നറിയിപ്പ് നല്കിയിട്ടുണ്ട്.
