തിരുവനന്തപുരം: പുതിയ ന്യൂനമര്ദം രൂപപ്പെടാന് സാധ്യതയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. സംസ്ഥാനത്ത് വരും ദിവസങ്ങളിലും അതിശക്തമായ മഴ തുടരുമെന്ന് മുന്നറിയിപ്പ് നല്കി. ഇന്ന് ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
മഹാരാഷ്ട്ര മുതല് വടക്കന് കേരളം വരെ ന്യൂനമര്ദ പാത്തി നിലനില്ക്കുന്നുണ്ട്. അതിനാലാണ് സംസ്ഥാനത്ത് മഴ വരും ദിവസങ്ങളിലും തുടരുമെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചത്. ജനങ്ങള് ജാഗ്രത പാലിക്കണമെന്നും മുന്നറിയിപ്പില് പറയുന്നു.
അതിശക്തമായ മഴയുടെ സാധ്യത കണക്കിലെടുത്ത് ഇന്ന് എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്. നാളെയോടെ ബംഗാള് ഉള്ക്കടലില് ആന്ധ്രാ തീരത്ത് പുതിയ ന്യൂനമര്ദം രൂപപ്പെടാന് സാധ്യതയുണ്ട്.
