മുക്കം മലയോരം ബാറിൽ നിന്നും വാങ്ങിയ അഞ്ചര ലിറ്ററോളം വിദേശ മദ്യവുമായി കൂടരഞ്ഞി ഭാഗത്ത് ചില്ലറ വിൽപന നടത്താൻ ശ്രമിച്ച കൂടരഞ്ഞി സ്വദേശിയായ ഷാജു മാത്യുവിനെ തിരുവമ്പാടി പോലീസ് അറസ്റ്റ് ചെയ്തു. തിരുവമ്പാടി ഐ പി ഷാജു ജോസഫിന് കിട്ടിയ രഹസ്യവിവരത്തെ തുടർന്ന് സബ് ഇൻസ്പെക്ടർ ബേബി മാത്യു, സി പി ഒ മാരായ അനീസ്, രജീഷ്, ഡ്രൈവർ ഷിനോജ് എന്നിവരുടെ സംഘമാണ് പ്രതിയെ പിടികൂടിയത്.
മുക്കം മലയോരം ബാറിൽ നിന്നും മദ്യം വാങ്ങി കൂടരഞ്ഞി അങ്ങാടിയിലും പരിസരപ്രദേശങ്ങളിലും വിൽപ്പന നടത്തുന്നത് വർധിച്ചു വരികയാണെന്ന് തിരുവമ്പാടി പോലീസ് പറഞ്ഞു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു
