ന്യൂഡല്ഹി: രാജ്യവ്യാപകമായി കര്ഷകര് ഇന്ന് കരിദിനം ആചരിക്കും. ഡല്ഹി അതിര്ത്തിയോട് ചേര്ന്നുള്ള കെഎംപി എക്സ്പ്രസ് പാത കര്ഷകര് ഉപരോധിക്കും. ജനുവരി 26ന് ശേഷം കര്ഷകരുമായി സര്ക്കാര് ഇതുവരെ ചര്ച്ചയ്ക്ക് തയാറായിട്ടില്ല. നിയമം പിന്വലിക്കും വരെ സമരം തുടരാനാണ് കര്ഷക സംഘടനകളുടെ തീരുമാനം.
കര്ഷക സമരം നൂറ് ദിവസം പിന്നിടുന്ന സാഹചര്യത്തില് സമരം കൂടുതല് ശക്തമാക്കാനാണ് കര്ഷകസംഘടനകളുടെ തീരുമാനം. ടോള് പ്ലാസകളില് ടോള് പിരിക്കുന്നതും ഇന്ന് തടയും. വീടുകളിലും ഓഫീസുകളിലും കറുത്ത പതാക നാട്ടാനും സംയുക്ത കിസാന് മോര്ച്ച നിര്ദേശം നല്കി. മാര്ച്ച് എട്ടിന് സമരകേന്ദ്രങ്ങളുടെ നിയന്ത്രണം സ്ത്രീകളെ ഏല്പ്പിക്കും.
