ന്യൂഡല്ഹി: കേന്ദ്രസര്ക്കാരിന്റെ പൗരത്വ ഭേദഗതി നിയമത്തിനെതിരെ സംയുക്ത പ്രക്ഷോഭം ചര്ച്ച ചെയ്യാന് കോണ്ഗ്രസ് വിളിച്ച പ്രതിപക്ഷ പാര്ട്ടികളുടെ യോഗം ഇന്ന് നടക്കും. ഡല്ഹിയില് ഇന്ന് മൂന്ന് മണിക്കാണ് യോഗം.
സോണിയ ഗാന്ധിയുടെ വസതിയില് നിശ്ചയിച്ചിരുന്ന യോഗം പാര്ലമെന്റിലേക്ക് മാറ്റി. അതേസമയം, യോഗത്തില് പങ്കെടുക്കില്ലെന്ന് പശ്ചിമ ബംഗാള് മുഖ്യമന്ത്രി മമത ബാനര്ജി വ്യക്തമാക്കിയിരുന്നു. ആംആദ്മി, ബിഎസ്പി തുടങ്ങിയ പാര്ട്ടികളും യോഗം ബഹിഷ്ക്കരിച്ചേക്കുമെന്നാണ് സൂചന.
പ്രതിഷേധത്തിന്റെ രാഷ്ടീയ ലാഭം കോണ്ഗ്രിന് മാത്രമായേക്കുമെന്ന വിലയിരുത്തലിലാണ് നിസ്സഹകരണമെന്നാണ് സൂചന. കഴിഞ്ഞ ദിവസം ചേര്ന്ന കോണ്ഗ്രസ് പ്രവര്ത്തക സമിതി യോഗം പൗരത്വ നിയമ ഭേദഗതിയും പൗരത്വ രജിസ്റ്ററും റദ്ദ് ചെയ്യണമെന്നാവശ്യപ്പെട്ടിരുന്നു.
പൗരത്വ നിയമ ഭേദഗതി നടപ്പില് വരുത്തി കേന്ദ്രം വിജ്ഞാപനം പുറത്തിറക്കിയെങ്കിലും പ്രക്ഷോഭത്തില് നിന്ന് പിന്നോട്ടില്ലെന്നാണ് കോണ്ഗ്രസ് മുന്നറിയിപ്പ്. പ്രതിപക്ഷത്തിലെ മറ്റ് കക്ഷികളെക്കൂടി ഉള്പ്പെടുത്തി സമരം മുന്നോട്ടുകൊണ്ടു പോകാനാണ് കോണ്ഗ്രസ് ശ്രമം.
