കോടഞ്ചേരി : മഞ്ഞുവയൽ വിമല യു.പി സ്കൂളിൽ, സീഡ് ക്ലബ്ബ് ഉദ്ഘാടനം ജില്ലാപഞ്ചായത്ത് മെമ്പർ ബോസ് ജേക്കബ് നിർവ്വഹിച്ചു. ‘സമൂഹനന്മ- കുട്ടികളിലൂടെ’ എന്ന മുദ്രാവാക്യവുമായി കുട്ടികളിൽ പ്രകൃതി സ്നേഹം വളർത്തുന്നതിനു ‘മാതൃഭൂമി’ നടത്തുന്ന പ്രവർത്തനങ്ങൾ ലോകത്തിനു തന്നെ മാതൃകയാണെന്ന് അദ്ദേഹം പറഞ്ഞു.
മാതൃഭൂമി- സീഡ്, മുൻ ജില്ലാ കോ- ഓഡിനേറ്റർ, സനീഷ് കെ.കെ. പദ്ധതി വിശദീകരണം നടത്തി. പ്രധാനാധ്യാപിക ആൻസി തോമസ് അധ്യക്ഷത വഹിച്ച ചടങ്ങിൽ, എസ്. ആർ. ജി. കൺവീനർ, അഖില ബാബു സ്വാഗതം ആശംസിച്ചു .
പി.റ്റി.എ പ്രസിഡന്റ് ബിജു കാട്ടേക്കുടിയിൽ ആശംസകൾ നേർന്ന് സംസാരിച്ചു. അധ്യാപകരായ ഷബീർ കെ പി, അമൃത സെബാസ്റ്റ്യൻ, ഡയസ് ജോസ്, സി. അൽഫോൻസ എന്നിവർ പരിപാടികൾക്ക് നേതൃത്വം നൽകി. സീഡ് ക്ലബ് കൺവീനർ അനുപമ ജോസഫ് ചടങ്ങിന് നന്ദി പറഞ്ഞു.
