മുക്കം: മുപ്പത് കവിതകളടങ്ങിയ കവിതാസമാഹാരം ‘വർണ്ണപ്പട്ടം’ രചിച്ച അഞ്ചുവയസ്സുകാരി ഓമശ്ശേരി വാഴക്കുളങ്ങരയിൽ ആഗ്നയാമിക്കും എൽ.എസ്.എസ് നേടിയ വി ആർദ്രയ്ക്കും നീലേശ്വരം നടുകിൽ ഗ്രാമീണ വായനശാല ആദരവ് നൽകി.
വായനശാലാ പ്രസിഡന്റ് ഇ സത്യനാരായണൻ അധ്യക്ഷത വഹിച്ച ചടങ്ങ് ഗ്രന്ഥശാലാ സംഘം പ്രസിഡൻറ് കെ.പി സുരേന്ദ്രനാഥൻ ഉദ്ഘാടനം ചെയ്തു. എ.വി സുധാകരൻ പുസ്തകം പരിചയപ്പെടുത്തി. വായനശാല സെക്രട്ടറി കെ മാധവൻ നായർ, വി.എം കൃഷ്ണൻകുട്ടി, ഇളമന ഹരിദാസ്, ഗംഗാധരൻ നായർ തുടങ്ങിയവർ പങ്കെടുത്തു.
