Thiruvambady
തിരുവമ്പാടി ഗ്രാമപഞ്ചായത്ത് 300 ക്ഷീര കർഷകർക്ക് ധാതുലവണ മിശ്രിതം വിതരണം ചെയ്തു
തിരുവമ്പാടി: തിരുവമ്പാടി ഗ്രാമ പഞ്ചായത്തിലെ 300 ക്ഷീര കർഷകർക്ക് ധാതുലവണ മിശ്രിതം വിതരണം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് കെ.എ അബ്ദുറഹിമാന്റെ അദ്ധ്യക്ഷതയിൽ പ്രസിഡന്റ് മേഴ്സി പുളിക്കാട്ട് വിതരണോദ്ഘാടനം നിർവഹിച്ചു.
2023-24 വാർഷിക പദ്ധതിയുടെ ഭാഗമായി മൂന്ന് ലക്ഷം രൂപ വകയിരുത്തിയാണ് പദ്ധതി നടപ്പാക്കിയത്. സ്ഥിരം സമിതി അദ്ധ്യക്ഷരായ ലിസി മാളിയേക്കൽ, രാമചദ്രൻ കരിമ്പിൽ, മഞ്ജു ഷിബിൻ, ഷൈനി ബെന്നി, അപ്പു കോട്ടയിൽ, കെ മുഹമ്മദലി, കെ.ഡി ആന്റണി തുടങ്ങിയവർ സംസാരിച്ചു.
