ന്യൂഡൽഹി: റിപ്പബ്ലിക് ദിനാഘോഷത്തിന് മുന്നോടിയായി രാഷ്ട്രപതിയുടെ വിവിധ സേനാ മെഡലുകൾ പ്രഖ്യാപിച്ചു. ഗാൽവാൻ താഴ്വരയിൽ വീരമൃത്യുവരിച്ച കേണൽ ബി സന്തോഷ് ബാബുവിന് മരണാനന്തര ബഹുമതിയായ മഹാവീർ ചക്ര നൽകും. സേവനത്തിനിടയിലെ ധീരകൃത്യത്തിന് നൽകുന്ന രാഷ്ട്രപതിയുടെ പോലീസ് ധീരതാ മെഡൽ പുൽവാമ ഭീകരാക്രമണത്തിൽ വീരമൃത്യുവരിച്ച സിആർപിഎഫ് ജവാൻ മോഹൻലാലിന് മരണാനന്തര ബഹുമതിയായി നൽകും.
