മുക്കം ഉൾപ്പെടെ വിവിധ പ്രദേശങ്ങളിൽ ടാട്രസിൻ കലർത്തിയ മിക്സ്ചർ വിൽപ്പന നിരോധിച്ച് ഭക്ഷ്യസുരക്ഷ വകുപ്പ്
മുക്കം : മുക്കം ഉൾപ്പെടെ വിവിധ പ്രദേശങ്ങളിൽ ടാട്രസിൻ കലർത്തിയ മിക്സ്ചർ വിൽപ്പന നടത്തിയ നാല് കടകളിൽ നിന്നും ഒരു മിക്സ്ചർ നിർമ്മാണ യൂണിറ്റിൽ നിന്നും ഭക്ഷ്യസുരക്ഷ വകുപ്പ് കടുത്ത നടപടി സ്വീകരിച്ചു. വടകര, പേരാമ്പ്ര, കൊടുവള്ളി, തിരുവമ്പാടി എന്നീ സർക്കിളുകളിൽ നിന്നായി ശേഖരിച്ച് പരിശോധനയ്ക്കയച്ച സാമ്പിളുകളിൽ ടാട്രസിന്റെ സാന്നിധ്യം സ്ഥിരീകരിക്കുകയായിരുന്നു.
ടാട്രസിൻ എങ്കിലും അനുവാദപ്രാപ്തമായ ഫുഡ് കളർ ആയിരുന്നെങ്കിലും മിക്സ്ചറിൽ ചേർക്കുന്നതിന് നിയമാനുസൃത അനുമതി ഇല്ല. കൃത്രിമ നിറങ്ങൾ പൊതുവേ ആരോഗ്യ പ്രശ്നങ്ങൾ ഉണ്ടാക്കാനിടയുള്ളവയാണെന്ന് ഭക്ഷ്യസുരക്ഷ വകുപ്പ് അറിയിച്ചു. ടാട്രസിന്റെ അലർജി സാദ്ധ്യത കൂടുതലായതിനാൽ, ഇത് ചേർക്കുന്നതിന് വിവിധ നിയന്ത്രണങ്ങൾ ഉള്ളതായി ഉദ്യോഗസ്ഥർ വ്യക്തമാക്കി.
“നിറമല്ല രുചി” എന്ന പ്രചരണത്തിന്റെ ഭാഗമായാണ് ഇത്തരം അനധികൃത പ്രവർത്തനങ്ങളെക്കുറിച്ച് ജനങ്ങളെ ബോധവത്കരിച്ചത്. ജനപ്രിയ ഭക്ഷ്യവസ്തുക്കളിൽ കൃത്രിമ നിറങ്ങൾ ചേർക്കുന്നത് നിരോധിക്കാനും നിയമ നടപടി ശക്തമാക്കാനുമാണ് തീരുമാനം.
