കേരളത്തില് ഇന്ന് ശക്തമായ മഴ, മണിക്കൂറില് 55 കി.മീ വരെ വേഗതയില് കാറ്റ് വീശാന് സാധ്യത, ഒമ്പത് ജില്ലകളില് യെല്ലോ അലേര്ട്ട്, മത്സ്യത്തൊഴിലാളികള്ക്ക് മുന്നറിയിപ്പ്
തിരുവനന്തപുരം: കേരളത്തില് ഇന്ന് പലയിടങ്ങളിലും ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. വിവിധ ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കാറ്റ് വീശാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പുണ്ട്.
ശക്തമായ മഴയുടെ സാധ്യത കണക്കിലെടുത്ത് ഇന്ന് ഒമ്പത് ജില്ലകളിലാണ് ദുരന്തനിവാരണ അതോറിറ്റി യെല്ലോ അലേര്ട്ട് പ്രഖ്യാപിച്ചിരിക്കുന്നത്. ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലകളിലാണ് യെല്ലോ അലേര്ട്ട്.
ഇന്ന് 12 സെ.മീ വരെ മഴ ലഭിക്കാനിടയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. കടലില് മണിക്കൂറില് 55 കി.മീ വരെ വേഗതയില് കാറ്റ് വീശാനിടയുണ്ടെന്നും കാലാവസ്ഥ വകുപ്പ് അറിയിച്ചു. അതിനാല് മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പ് നല്കി.
കേരള, കര്ണാടക, ലക്ഷദ്വീപ് തീരങ്ങളിലാണ് മത്സ്യബന്ധനത്തിന് വിലക്ക് ഏര്പ്പെടുത്തി. ഉരുള്പൊട്ടല് മണ്ണിടിച്ചില് സാധ്യതയുള്ള പ്രദേശങ്ങളില് താമസിക്കുന്നവര്ക്ക് ദുരന്ത നിവാരണ അതോറിറ്റി ജാഗ്രത നിര്ദേശം നല്കിയിട്ടുണ്ട്.
