കൊടക്കാട്ടുപാറ മേലെ പൊന്നാങ്കയം ‘അംബേദ്കര് ഗ്രാമം’ പദ്ധതി ഓണ്ലൈനായി മുഖ്യമന്ത്രി പിണറായി വിജയന് ഇന്ന് ഉദ്ഘാടനം ചെയ്യും
തിരുവമ്പാടി: തിരുവമ്പാടി ഗ്രാമപഞ്ചായത്തിലെ പുല്ലുരാംപാറ കൊടക്കാട്ടുപാറ മേലെ പൊന്നാങ്കയം ആദിവാസി കോളനിയിലെ ‘അംബേദ്കര് ഗ്രാമം’ പദ്ധതി ഓണ്ലൈനായി മുഖ്യമന്ത്രി പിണറായി വിജയന് ഇന്ന് ഉദ്ഘാടനം ചെയ്യും. അംബേദ്കര് ഗ്രാമവികസന പദ്ധതിയില് ഉള്പ്പെടുത്തി ഒരുകോടിയിലേറെ രൂപ ചെലവഴിച്ചു നിര്മിച്ച മൂന്നു പുതിയ വീടുകളും 33 നവീകരിച്ച വീടുകളും ചേര്ത്ത് 36 വീടുകളുടെ ഉദ്ഘാടനമാണ് ഇന്നു നടക്കുക.
വീട്, വൈദ്യുതി, കുടിവെള്ളം എന്നിവ പദ്ധതിയുടെ ഭാഗമായി ഒരുക്കിയിട്ടുണ്ട്. 36 കുടുംബങ്ങള്ക്കായി പതിനഞ്ചായിരം ലിറ്റര് സംഭരണ ശേഷിയുള്ള വാട്ടര് ടാങ്ക്, കുളം, പൈപ്പ് ലൈന് എന്നിവ തയാറാക്കിയിട്ടുണ്ട്. മന്ത്രി എ.കെ. ബാലന് അധ്യക്ഷത വഹിക്കും. എംഎല്എ ജോര്ജ് എം തോമസ് മുഖ്യപ്രഭാഷണം നടത്തും.
ആദിവാസി അങ്കണവാടിയില് നടത്തുന്ന പരിപാടിയില് കൊടുവള്ളി ബ്ലോക്ക് പഞ്ചായത്ത് പ്രസിഡന്റ് തോമസ് കളത്തൂര്, തിരുവമ്പാടി ഗ്രാമപഞ്ചായത്ത് പ്രസിഡന്റ് മേഴ്സി പുളിക്കാട്ട്, ജില്ലാ പഞ്ചായത്ത് അംഗം ബോസ് ജേക്കബ്, വാര്ഡ് അംഗങ്ങളായ ലിസി ഏബ്രഹാം, കെ.ഡി. ആന്റണി, റംല ചോലക്കല്, രാധാമണി ദാസന് തുടങ്ങിയവര് പ്രസംഗിക്കും.
