താമരശേരി: വ്യത്യസ്ത സംഭവങ്ങളിലായി കുഴല്പ്പണവുമായി രണ്ടുപേരെ കോഴിക്കോട് റൂറല് എസ്പിയുടെ നേതൃത്വത്തിലുള്ള സംഘം അറസ്റ്റ് ചെയ്തു.
8,24,000 രൂപയാണ് പിടിച്ചെടുത്തത്. വ്യാഴാഴ്ച ഉച്ചയ്ക്ക് ഒന്നിന് പൂനൂരില്നിന്ന് 3,20,000 രൂപയുമായി പൂനൂര് പാടത്തും കുഴിയില് അര്ഷാദി(22)നെ ബാലുശേരി എസ്ഐയും, വൈകുന്നേരം നാലോടെ താമരശേരി ആവിലോറ,തടത്തില് റാഫിദ് (23) നെ താമരശേരി എസ്ഐയുമാണ് പിടികൂടിയത്.
കോഴിക്കോട്, ബാലുശേരി, താമരശേരി എന്നിവിടങ്ങളില് വിതരണം ചെയ്യാനുള്ളതായിരുന്നു പണം. ഈ മാസം അഞ്ചാമത്തെ തവണയാണ് കോഴിക്കോട് റൂറല് ജില്ലയില് കുഴല്പ്പണം പിടികൂടുന്നത്.
താമരശേരി ഡിവൈഎസ്പി എന്.സി. സന്തോഷ്കുമാറിന്റെ നേതൃത്വത്തില് ബാലുശ്ശേരി എസ്ഐ ഷാജു, താമരശേരി എസ്ഐ മുരളീധരന്,സ്പെഷല് സ്ക്വാഡ് എസ്ഐമാരായ രാജീവ് ബാബു, വി.കെ.സുരേഷ്, ഇ.ഒ.ഗംഗാധരന്, രാജീവന്, കെ.പി.ഷാജി, എഎസ്ഐ വിനോദ് എസിപിഒ ലിനീഷ് എന്നിവരടങ്ങിയ സംഘമാണ് പിടികൂടിയത്
