India
രാജ്യത്ത് ബ്ലാക്ക് ഫംഗസ് രോഗികളില് വന് വര്ധയെന്ന് റിപ്പോര്ട്ട്
ന്യൂഡല്ഹി: രാജ്യത്ത് ബ്ലാക്ക് ഫംഗസ് രോഗികളില് വന് വര്ധയെന്ന് റിപ്പോര്ട്ട്. കഴിഞ്ഞ മൂന്നാഴ്ചയ്ക്കിടെ ബ്ലാക്ക് ഫംഗസ് കേസുകളില് 150 ശതമാനം വര്ധനയുണ്ടായെന്നാണ് കണക്ക്. രാജ്യത്ത് ഇതുവരെ 31216 ബ്ലാക്ക് ഫംഗസ് രോഗബാധ റിപ്പോര്ട്ട് ചെയ്യപ്പെട്ടിട്ടുണ്ട്. ഇതില് 2109 മരണം സംഭവിച്ചു രാജ്യത്ത് ഏറ്റവും കൂടുതല് രോഗബാധയും മരണവും റിപ്പോര്ട്ട് ചെയ്തിരിക്കുന്നത് മഹാരാഷ്ട്രയിലാണ്. ഇതുവരെ 7057 കേസുകളും 609 മരണവുമാണ് മഹാരാഷ്ട്രയിലുണ്ടായത്. ഏറ്റവും കുറവ് രോഗബാധ റിപ്പോര്ട്ട് ചെയ്യപ്പെട്ടിരിക്കുന്നത് ഝാര്ഖണ്ഡിലാണ്. 96 കേസുകള് ആണ് ഇവിടെ രജിസ്റ്റര് ചെയ്തിരിക്കുന്നത്. ഏറ്റവും കുറവ് മരണം സ്ഥിരീകരിച്ചിരിക്കുന്നത ബംഗാളിലാണ്, 23 പേര്.