ന്യൂഡല്ഹി: രാജ്യത്ത് പാചക വാതക വില വീണ്ടും കൂട്ടി. ഗാര്ഹിക സിലിണ്ടറുകള്ക്ക് 25.50 രൂപയാണ് വര്ധിപ്പിച്ചത്. വില വര്ധനക്കുശേഷം കൊച്ചിയിലെ പുതുക്കിയ വില 841.50 രൂപയായി.
വാണിജ്യ ആവശ്യങ്ങള്ക്കുള്ള സിലിണ്ടറുകളുടെ വില 80 രൂപയാണ് വര്ധിപ്പിച്ചത്. വാണിജ്യ സിലിണ്ടറിന് പുതുക്കിയ വില 1550 രൂപയാണ്. പുതുക്കിയ നിരക്ക് ഇന്ന് പ്രാബല്യത്തില് വരും.
മാര്ച്ച് ഒന്നിനാണ് ഇതിന് മുന്പ് പാചകവാതക വില കൂട്ടിയത്. ഗാര്ഹിക സിലിണ്ടറിന് 25 രൂപക്ക് മുകളിലാണ് അന്നും കൂട്ടിയത്. വാണിജ്യ ആവശ്യങ്ങള്ക്കുള്ള സിലിണ്ടറുകളുടെ വില കൊവിഡ് പ്രതിസന്ധി കാലത്ത് കുറച്ചിരുന്നു. ഇപ്പോള് വീണ്ടും 80 രൂപ കൂട്ടിയിരിക്കുകയാണ്.
പെട്രോള്, ഡീസല് വില വര്ധന ജനങ്ങള്ക്ക് ഇരുട്ടടി ആവുന്നതിനിടെയാണ് പാചകവാതക വിലയും വര്ധിപ്പിച്ചത്. പാചക വാതക വില കുത്തനെ ഉയര്ത്തിയത് കൊവിഡും ലോക്ക്ഡൗണും കാരണം ദുരിതത്തിലായ രാജ്യത്തെ കുടുംബങ്ങളുടെ ബജറ്റ് കൂടുതല് താളം തെറ്റിക്കും.
