Thamarassery

പു​തു​പ്പാ​ടി ഭൂ​മി പ്ര​ശ്ന​ത്തി​നു പ​രി​ഹാ​ര​മാ​യി​ല്ല;വി​ല്‍​ക്കാ​നോ ബാ​ങ്ക് വാ​യ്പ​യെ​ടു​ക്കാ​നോ സാ​ധി​ക്കാ​തെ ക​ര്‍​ഷ​ക​ര്‍ വ​ല​യു​ന്നു

താ​മ​ര​ശേ​രി: പു​തു​പ്പാ​ടി വി​ല്ലേ​ജി​ലെ സ്ഥി​ര​താ​മ​സ​ക്കാ​രാ​യു​ള്ള 4500 ക​ര്‍​ഷ​ക കു​ടും​ബ​ങ്ങ​ളെ ദു​രി​ത​ത്തി​ലാ​ക്കി 14 സ​ർ​വേ ന​മ്പ​റു​ക​ളി​ലെ ഭൂ​മി​യു​ടെ ക്ര​യ​വി​ക്ര​യം ത​ട​ഞ്ഞ കോ​ട​തി ഉ​ത്ത​ര​വി​നെ തു​ട​ർ​ന്ന് ഭൂ​മി വി​ല്‍​ക്കാ​നോ ബാ​ങ്ക് വാ​യ്പ​യെ​ടു​ക്കാ​നോ സാ​ധി​ക്കാ​തെ ക​ര്‍​ഷ​ക​ര്‍ വ​ല​യു​ന്നു. പ​രി​ഹാ​ര​മാ​വ​ശ്യ​പ്പെ​ട്ട് സ​ര്‍​ക്കാ​ര്‍ ഓ​ഫീ​സു​ക​ള്‍ ക​യ​റി​യി​റ​ങ്ങി ഭൂ​സ​മ​ര​സ​മി​തി പ്ര​വ​ര്‍​ത്ത​ക​രും കു​ഴ​ഞ്ഞു.

1910ല്‍ ​നെ​ല്ലി​ക്ക​ല്‍ ജ​ന്മി​ക​ളോ​ട് വ​ട്ട​ക്കു​ണ്ടു​ങ്ങ​ല്‍ കു​ടും​ബം ഭൂ​മി പാ​ട്ട​ത്തി​ന് എ​ടു​ക്കു​ക​യാ​യി​രു​ന്നു. 1930 ല്‍ ​പ്ലാ​ന്‍റേ​ഷ​നാ​ക്കു​ന്ന​തി​നു വ​ന​മാ​യി കി​ട​ന്ന ഭൂ​മി 62 വ​ര്‍​ഷ​ത്തേ​യ്ക്ക് മ​ണ​മേ​ല്‍ കു​ടും​ബ​ത്തി​ന് പാ​ട്ട​ത്തി​നു ന​ല്‍​കി. ഇ​വ​ര്‍ ലി​മി​റ്റ​ഡ് ക​മ്പ​നി​യാ​യി ര​ജി​സ്റ്റ​ര്‍ ചെ​യ്ത കോ​ട്ട​നാ​ട് പ്ലാ​ന്‍റേ​ഷ​നെ​തി​രെ വ​ട്ട​ക്കു​ണ്ടു​ങ്ങ​ലു​കാ​ര്‍ പ​രാ​തി ന​ല്‍​കി. പാ​ട്ട​ക്കാ​ലാ​ല​ധി ക​ഴി​ഞ്ഞി​ട്ടും ഭൂ​മി വി​ട്ടു​കി​ട്ടാ​ത്ത​തി​നാ​ലാ​ണ് ഉ​മ​സ്ഥാ​വ​കാ​ശ​മു​ന്ന​യി​ച്ച് പ​രാ​തി ന​ല്‍​കി​യ​ത്. എ​ന്നാ​ല്‍ കേ​സ് കോ​ട​തി​യി​ലെ​ത്തി​യ​പ്പോ​ള്‍ ഭൂ​മി വാ​ങ്ങി​യ​വ​രെ ക​ക്ഷി​യാ​യി ചേ​ര്‍​ത്തി​ല്ല. ഇ​തോ​ടെ ഭൂ​മി വാ​ങ്ങി​യ​വ​രു​ടെ വാ​ദം കേ​ള്‍​ക്കാ​തെ കോ​ട​തി ക്ര​യ​വി​ക്ര​യം ത​ട​യു​ക​യാ​യി​രു​ന്നു.

1997-ലാ​ണ് കോ​ഴി​ക്കോ​ട് മു​ന്‍​സി​ഫ് കോ​ട​തി ഉ​ത്ത​ര​വി​റ​ക്കി​യ​ത്. ഭൂ​പ​രി​ഷ്‌​ക​ര​ണ നി​യ​മ​ത്തി​നു ശേ​ഷം തോ​ട്ട​ത്തി​ല്‍ ജോ​ലി​ചെ​യ്ത തൊ​ഴി​ലാ​ളി​ക​ളു​ടെ കൂ​ലി​യ്ക്കു പ​ക​ര​മാ​യും ക​ര്‍​ഷ​ക​ര്‍​ക്കു വി​ല​യ്ക്കും ഭൂ​മി മു​റി​ച്ചു വി​ല്‍​ക്കു​ക​യാ​യി​രു​ന്നു. 1970 മു​ത​ല്‍ 1980 വ​രെ​യു​ള്ള കാ​ല​ത്ത് 4500 കു​ടും​ബ​ങ്ങ​ള്‍​ക്ക് ആ​ധാ​രം ന​ല്‍​കി​യ​താ​ണ്. ഇ​തി​ല്‍ 1500 കു​ടും​ബ​ങ്ങ​ള്‍​ക്ക് പ​ട്ട​യ​വു​മു​ണ്ട്. എ​ന്നാ​ല്‍ സ​ർ​വേ ന​മ്പ​റി​ല്ലാ​തി​രു​ന്ന​കാ​ല​ത്തെ ഭൂ​മി​യി​ല്‍ പ്ര​തി​ക​ളു​ടെ ഉ​ട​മ​സ്ഥ​ത​യി​ലു​ള്ള ഭൂ​മി സൂ​ചി​പ്പി​ക്കാ​തെ പു​തു​പ്പാ​ടി വി​ല്ലേ​ജി​ലെ 14 സ​ർ​വേ​ന​മ്പ​റു​ക​ളി​ല്‍ ഇ​ഞ്ച​ങ്ഷ​ന്‍ ബാ​ധ​ക​മാ​ക്കി​യ​തി​നാ​ലാ​ണ് ഇ​തി​ല്‍ ഉ​ള്‍​പ്പെ​ടാ​ത്ത​വ​രു​ടെ ഭൂ​മി​യ്ക്കും ഇ​ത് ബാ​ധ​ക​മാ​യ​തെ​ന്ന് ഭൂ​സ​മ​ര​സ​മി​തി പ​റ​യു​ന്നു.
ഈ ​ഭൂ​മി​യി​ല്‍ ഇ​പ്പോ​ള്‍ താ​മ​സി​ക്കു​ന്ന​ത് വ​ര്‍​ഷ​ങ്ങ​ള്‍​ക്കു മു​മ്പേ വി​ല​കൊ​ടു​ത്തു​വാ​ങ്ങി​യ​വ​രും എ​ല്ലാ വി​ധ രേ​ഖ​ക​ളും കൈ​വ​ശ​മു​ള്ള​വ​രു​മാ​ണ്. ട്രൈ​ബ​ല്‍ വ​കു​പ്പി​ന്‍റെ പു​തു​പ്പാ​ടി പ്രീ ​മെ​ട്രി​ക് ഹോ​സ്റ്റ​ല്‍, ഈ​ങ്ങാ​പ്പു​ഴ എം​ജി​എം ഹ​യ​ര്‍​സെ​ക്ക​ൻ​ഡ​റി സ്‌​കൂ​ള്‍, ആ​ച്ചി നാ​ലു സെ​ന്‍റ് കോ​ള​നി എ​ന്നി​വ​യും പ്ര​ശ്ന​ത്തി​ല്‍​പ്പെ​ട്ട സ​ര്‍​വേ ന​മ്പ​റു​ക​ളി​ലാ​ണു​ള്ള​ത്.

ഭൂ​മി​യു​ടെ ക്ര​യ​വി​ക്ര​യം ത​ട​ഞ്ഞ​തോ​ടെ നി​ര​വ​ധി പാ​വ​പ്പെ​ട്ട കു​ടും​ബ​ങ്ങ​ള്‍ ക​ടു​ത്ത ദു​രി​ത​ത്തി​ലാ​യി. വി​വാ​ഹം പോ​ലു​ള്ള ആ​വ​ശ്യ​ങ്ങ​ള്‍​ക്കു സ്ഥ​ലം വി​ല്‍​ക്കാ​നോ ബാ​ങ്ക് വാ​യ്പ​യെ​ടു​ക്കാ​നോ ക​ഴി​യാ​ത്ത അ​വ​സ്ഥ​യി​ലാ​ണ്. 1997-ല്‍ ​കോ​ട​തി വി​ധി​യാ​യെ​ങ്കി​ലും പി​ന്നീ​ട് വ​ര്‍​ഷ​ങ്ങ​ള്‍ ക​ഴി​ഞ്ഞാ​ണ് അ​ത് വി​ല്ലേ​ജ് ഓ​ഫീ​സി​ലെ​ത്തി​യ​തും പ്രാ​ബ​ല്യ​ത്തി​ല്‍ വ​രു​ന്ന​തും. 2018 മാ​ര്‍​ച്ചി​ല്‍ പു​തു​പ്പാ​ടി വി​ല്ലേ​ജ് ഓ​ഫീ​സ​ര്‍ ന​ല്‍​കി​യ ക​ത്തി​ന്‍റെ അ​ടി​സ്ഥാ​ന​ത്തി​ല്‍ താ​മ​ര​ശേ​രി സ​ബ് ര​ജി​സ്ട്രാ​ര്‍ വി​ല്ലേ​ജി​ലെ 14 സ​ര്‍​വേ ന​മ്പ​റി​ല്‍​പ്പെ​ട്ട ഭൂ​മി​യു​ടെ ക്ര​യ​വി​ക്ര​യ​വും ത​ട​ഞ്ഞു.
പു​തു​പ്പാ​ടി പ​ഞ്ചാ​യ​ത്തി​ലെ ക​ണ്ണ​പ്പ​ന്‍​കു​ണ്ട്, ചേ​ലോ​ട്, കാ​ക്ക​വ​യ​ല്‍, ക​രി​കു​ളം, എ​ന്നീ പ്ര​ദേ​ശ​ങ്ങ​ളി​ലെ നാ​ലാ​യി​ര​ത്തി അ​ഞ്ഞൂ​റോ​ളം കു​ടും​ബ​ങ്ങ​ളു​ടെ ഭൂ​മി​യാ​ണ് മ​ക്ക​ള്‍​ക്ക് വീ​തി​ച്ചു ന​ല്‍​കാ​ന്‍​പോ​ലും സാ​ധി​ക്കാ​തെ കു​രു​ക്കി​ലാ​യ​ത്.

Related Articles

Leave a Reply

Back to top button