തിരുവമ്പാടി: തെരുവുനായ് ആക്രമണത്തിൽ തിരുവമ്പാടിയിൽ ഒരാൾക്ക് പരിക്കേറ്റു. തിരുവമ്പാടി ലക്ഷംവീട്ടിലെ ഗോപാലനാണ് കൈക്കും നെഞ്ചിനും കടിയേറ്റത്.
തിരുവമ്പാടി പൊലീസ് സ്റ്റേഷനുമുന്നിൽ ബുധനാഴ്ച രാത്രി ഏഴോടെയാണ് സംഭവം. പരിക്കേറ്റ ഗോപാലനെ താമരശ്ശേരി ഗവ. ആശുപത്രിയിൽ പ്രവേശിപ്പിച്ചു. പ്രദേശത്ത് തെരുവുനായ് ശല്യം രൂക്ഷമാണെന്ന് നാട്ടുകാർ പരാതിപ്പെട്ടു.
