TOP NEWS
ഉന്നത വിജയികളെ കുളങ്ങര ടൗൺ മുസ്ലിം യൂത്ത് ലീഗ് ആദരിച്ചുകൊടിയത്തൂർ ഗ്രാമപഞ്ചായത്ത് പതിനാറാം വാർഡിൽ ലഹരി ബോധവൽക്കരണ ക്ലാസ് സംഘടിപ്പിച്ചുകൂടരഞ്ഞി സെന്റ് സെബാസ്റ്റ്യൻസ് ഹയർ സെക്കണ്ടറി സ്കൂളിൽ മൾട്ടി ലെവൽ വാട്ടർ പ്യൂരിഫയർ സ്ഥാപിച്ചുകൂടരത്തി ഗ്രാമപഞ്ചായത്തിൽ ഹരിത മിത്രം സ്മാർട്ട് ഗാർബേജ് മോണിറ്ററിങ് സിസ്റ്റത്തിന് തുടക്കമായികോടഞ്ചേരി : മൈക്കാവ് പടിഞ്ഞാറെകുടിയിൽ ഏലിയാസ് അന്തരിച്ചു.താഴെ തിരുവമ്പാടി അങ്ങാടിയിൽ മെയിൻ റോഡിനോട് ചേർന്ന് കിടക്കുന്ന പഴയ മദ്രസ കെട്ടിടം പൊളിച്ചു നീക്കണമെന്ന് ആവശ്യം ശക്തമാകുന്നുകൂടരഞ്ഞി : ലോക് താന്ത്രിക് ജനതാദൾ (എൽ ജെ ഡി) കോഴിക്കോട് ജില്ലാ വൈസ് പ്രസിഡന്റും കൂടരഞ്ഞി കോ-ഓപ്പറേറ്റീവ് റൂറൽ ഹൗസിങ് സൊസൈറ്റി ഡയറക്ടറുമായ പി ടി മാത്യു മാസ്റ്റർ പൂക്കളത്തിൽ അന്തരിച്ചു.മുക്കം : കാരശ്ശേരി കുമാരനെല്ലൂർ പരേതനായ കുരുടത്ത് കുഞ്ഞൻ നായരുടെ ഭാര്യ അക്കരപ്പറമ്പിൽ നാരായണി അമ്മ അന്തരിച്ചു.പുതുപ്പാടി; കൈതപ്പൊയിൽ വെട്ടിക്കുഴിയിൽ അന്നമ്മ അന്തരിച്ചുനന്മയുള്ളവർ കൈകോർത്തു; മൂന്നുകുടുംബങ്ങൾക്ക് വീടായി
Puthuppady

പുതുപ്പാടിയിൽ അഗ്നിരക്ഷാനിലയം വേണം; ആവശ്യവുമായി നാട്ടുകാർ

പുതുപ്പാടി: താമരശേരി ചുരത്തിലടക്കം അപകടങ്ങൾ പതിവാകുമ്പോഴും, മലയോരത്ത് പ്രകൃതിദുരന്തങ്ങൾ കൂടി വരുന്ന സാഹചര്യത്തിൽ പുതുപ്പാടി കേന്ദ്രീകരിച്ച് അഗ്നിരക്ഷാ നിലയം സ്ഥാപിക്കണമെന്ന ആവശ്യവുമായി നാട്ടുകാരും ജനപ്രതിനിധികളും രംഗത്തുവന്നു.

താമരശേരി, പുതുപ്പാടി, കട്ടിപ്പാറ പഞ്ചായത്തുകളിൽ അപകടങ്ങളുടെ നീണ്ടനിരയുണ്ടായപ്പോൾ രക്ഷാപ്രവർത്തനത്തിനായി മുക്കം, കൽപ്പറ്റ, നരിക്കുനി, കോഴിക്കോട് എന്നിവിടങ്ങളിൽ നിന്നാണ് അഗ്നിരക്ഷാസേന എത്തിയത്. ഉരുൾപൊട്ടലുകളും മണ്ണിടിച്ചിലും മലവെള്ളപ്പാച്ചിലും പ്രളയക്കെടുതിയും ഈ 3 പഞ്ചായത്തുകളിലെയും പരിധിയിൽ പതിവാണ്.

കാലവർഷം കനക്കുമ്പോൾ താമരശേരി പൊതുമരാമത്ത് ഗസ്റ്റ്ഹൗസ് മുറ്റത്ത് അഗ്നിരക്ഷാസേനയുടെ രണ്ട് യൂണിറ്റ് നിലയുറപ്പിക്കുന്നത് പതിവ് കാഴ്ചയാണ്

താമരശേരി, പുതുപ്പാടി, കട്ടിപ്പാറ, കോടഞ്ചേരി പഞ്ചായത്തുകളിൽ അത്യാഹിതമുണ്ടായാൽ ഫയർ സർവീസ് സഹായം എത്തിച്ചേരാൻ മണിക്കൂറുകൾ വേണ്ടിവരും. അടുത്ത് ഫയർ സ്റ്റേഷൻ ഇല്ലാത്തത് ദുരന്തത്തിന്റെ വ്യാപ്തി വർധിക്കാൻ ഇടവരുത്തുന്നതാണ്. ഇതിനുള്ള പരിഹാരമായാണ് ജനങ്ങൾ പുതിയ അഗ്നിരക്ഷാനിലയം സ്ഥാപിക്കാൻ സർക്കാരിനോട് ആവശ്യപ്പെടുന്നത്.

മുക്കത്തും, നരിക്കുനിയിലും, കൽപ്പറ്റയിലും മാത്രമാണ് ഏറ്റവും അടുത്ത ഫയർ സ്റ്റേഷൻ ഉള്ളത്, ചുരത്തിനടുത്ത് ഫയർ സ്റ്റേഷൻ സ്ഥാപിക്കാൻ ചുരം സംരക്ഷണ സമിതി പ്രവർത്തകരും ആവശ്യമുന്നയിക്കാൻ തുടങ്ങിയിട്ട് വർഷങ്ങളായി. സർക്കാർ ഈ ആവശ്യം പരിഗണിക്കും എന്നുള്ള പ്രതീക്ഷയിലാണ് ജനപ്രതിനിധികളും, ജനങ്ങളും.

Related Articles

Leave a Reply

Your email address will not be published.

Back to top button