TOP NEWS
ഉന്നത വിജയികളെ കുളങ്ങര ടൗൺ മുസ്ലിം യൂത്ത് ലീഗ് ആദരിച്ചുകൊടിയത്തൂർ ഗ്രാമപഞ്ചായത്ത് പതിനാറാം വാർഡിൽ ലഹരി ബോധവൽക്കരണ ക്ലാസ് സംഘടിപ്പിച്ചുകൂടരഞ്ഞി സെന്റ് സെബാസ്റ്റ്യൻസ് ഹയർ സെക്കണ്ടറി സ്കൂളിൽ മൾട്ടി ലെവൽ വാട്ടർ പ്യൂരിഫയർ സ്ഥാപിച്ചുകൂടരത്തി ഗ്രാമപഞ്ചായത്തിൽ ഹരിത മിത്രം സ്മാർട്ട് ഗാർബേജ് മോണിറ്ററിങ് സിസ്റ്റത്തിന് തുടക്കമായികോടഞ്ചേരി : മൈക്കാവ് പടിഞ്ഞാറെകുടിയിൽ ഏലിയാസ് അന്തരിച്ചു.താഴെ തിരുവമ്പാടി അങ്ങാടിയിൽ മെയിൻ റോഡിനോട് ചേർന്ന് കിടക്കുന്ന പഴയ മദ്രസ കെട്ടിടം പൊളിച്ചു നീക്കണമെന്ന് ആവശ്യം ശക്തമാകുന്നുകൂടരഞ്ഞി : ലോക് താന്ത്രിക് ജനതാദൾ (എൽ ജെ ഡി) കോഴിക്കോട് ജില്ലാ വൈസ് പ്രസിഡന്റും കൂടരഞ്ഞി കോ-ഓപ്പറേറ്റീവ് റൂറൽ ഹൗസിങ് സൊസൈറ്റി ഡയറക്ടറുമായ പി ടി മാത്യു മാസ്റ്റർ പൂക്കളത്തിൽ അന്തരിച്ചു.മുക്കം : കാരശ്ശേരി കുമാരനെല്ലൂർ പരേതനായ കുരുടത്ത് കുഞ്ഞൻ നായരുടെ ഭാര്യ അക്കരപ്പറമ്പിൽ നാരായണി അമ്മ അന്തരിച്ചു.പുതുപ്പാടി; കൈതപ്പൊയിൽ വെട്ടിക്കുഴിയിൽ അന്നമ്മ അന്തരിച്ചുനന്മയുള്ളവർ കൈകോർത്തു; മൂന്നുകുടുംബങ്ങൾക്ക് വീടായി
Kodanchery

കോടഞ്ചേരി ഗ്രാമപഞ്ചായത്തിൽ പോഷൻ അഭയാൻ പദ്ധതിയുടെ ഭാഗമായി ന്യൂട്രിഷ്യൻ എക്സിബിഷൻ സംഘടിപ്പിച്ചു

കോടഞ്ചേരി: ആറു വയസ്സിനു താഴെയുള്ള കുട്ടികൾ ,കൗമാരക്കാരായ കുട്ടികൾ, പാലൂട്ടുന്ന അമ്മമാർ, ഗർഭിണികൾ എന്നിവരുടെ ഇടയിൽ പോഷണ നിലവാരം ഉയർത്തുക എന്ന ലക്ഷ്യത്തോടെ നടത്തി വരുന്ന പരിപാടിയാണ് പോഷൻ അഭയാൻ.

അങ്കണവാടികളിലൂടെ നൽകുന്ന വിവിധ സേവനങ്ങളെക്കുറിച്ചും വനിത ശിശു വികസന വകുപ്പ് നടപ്പിലാക്കി വരുന്ന വിവിധ പദ്ധതികൾ പരിചയപ്പെടുത്തിയും കോടഞ്ചേരി പഞ്ചായത്ത് തല പ്രദർശന മേള സംഘടിപ്പിച്ചു. പഞ്ചായത്തിലെ 33 അങ്കണവാടി വർക്കർമാരുടെയും ഹെൽപർമാരുടേയും നേതൃത്വത്തിലായിരുന്നു എക്സിബിഷൻ സംഘടിപ്പിച്ചത്.

അങ്കണവാടി കുട്ടികൾക്ക് നൽകുന്ന ഭക്ഷണപദാർത്ഥങ്ങൾ ഉൾപ്പെടുത്തി പാചകം ചെയ്ത നിരവധി വിഭവങ്ങളും പാഴ് വസ്തുക്കളിൽ നിന്നും കുട്ടികൾക്കായി നിർമ്മിച്ച പഠനോപകരണങ്ങളും കളിപ്പാട്ടങ്ങളും വിവിധ ഔഷധസസ്യങ്ങളും പ്രദർശനത്തിനുണ്ടായിരുന്നു.

വനിതാ ശിശു വികസന വകുപ്പിന്റെ പ്രവർത്തനങ്ങളും സേവനങ്ങളും സ്കീമുകളും ഐ.സി.ഡി.എസ്‌.പ്രവർത്തനങ്ങളും പരിചയപ്പെടുത്തുന്ന പ്രത്യേക സ്റ്റാളുമുണ്ടായിരുന്നു. പ്രദർശനം ഗ്രാമ പഞ്ചായത്ത്‌ പ്രസിഡണ്ട്‌ അലക്സ് തോമസ് ചെമ്പകശ്ശേരി ഉൽഘാടനം ചെയ്തു.

ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ റിയാന സുബൈറിന്റെ അധ്യക്ഷതയിൽ ചേർന്ന യോഗത്തിൽ വികസനകാര്യ സ്റ്റാൻഡിങ് കമ്മിറ്റി ചെയർമാൻ ജോസ് പെരുമ്പള്ളി, ഗ്രാമപഞ്ചായത്ത് മെമ്പർമാർമാരായ ജോർജുകുട്ടി വിളക്കുന്നേൽ, ചിന്ന അശോകൻ, ഷാജു ടി പി വെട്ടിക്കാമലയിൽ, വാസുദേവൻ ഞാറ്റുകാലായിൽ, റോസിലി മാത്യു, വനജ വിജയൻ, സിസിലി ജേക്കബ് , സൂസൻ കേഴപ്ലാക്കൽ, ലീലാമ്മ കണ്ടത്തിൽ, റോസമ്മ കൈത്തുങ്കൽ, ചിന്നമ്മ വായിക്കാട്ട്, ഷാജി മുട്ടത്ത്, ബിന്ദു ജോർജ്, റീന സാബു, സെക്രട്ടറി കെ ഗിരീഷ് കുമാർ, ആസൂത്രസമിതി ഉപാധ്യക്ഷൻ തമ്പി പറ കണ്ടത്തിൽ, ഐ സി ഡി എസ് സൂപ്പർവൈസർ ഉദയ കെ ജോയ്, പ്ലാൻ ക്ലർക്ക് ഷമീർ പി, എന്നിവർ സംബന്ധിച്ചു.

Related Articles

Leave a Reply

Your email address will not be published.

Back to top button