Koodaranji
കൂടരഞ്ഞി പഞ്ചായത്ത് തല വികസനോത്സവം നടത്തി സംഘടിപ്പിച്ചു

കൂടരഞ്ഞി: കുട്ടികളുടെ മാനസികവും ശാരീരികവും വൈജ്ഞാനികവുമായ ഉന്നമനം ലക്ഷ്യമാക്കി സ്കൂൾ അവധിക്കാലത്ത് പട്ടികവർഗ്ഗ വികസന വകുപ്പിൻ്റെ നേതൃത്വത്തിൽ നടത്തുന്ന കുട്ടികളുടെ കലാകായിക സാംസ്കാരിക പരിപാടിയായ വികസനോത്സവം 2023 ‘ഗോത്രതാളം’ കൂടരഞ്ഞി ഗ്രാമപഞ്ചായത്ത് കമ്മ്യൂണിറ്റി ഹാളിൽ നടന്നു. കൂടരഞ്ഞി ഗ്രാമപഞ്ചായത്ത് പ്രസിഡൻ്റ് ആദർശ് ജോസഫ് പരിപാടി ഉദ്ഘാടനം ചെയ്തു.
ക്ഷേമകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ റോസ്ലി ജോസ് അധ്യക്ഷത വഹിച്ച ചടങ്ങിൽ ട്രൈബൽ എക്സ്റ്റൻഷൻ ഓഫീസർ സലീഷ്, വാർഡ് മെമ്പർമാരായ ജോണി വാളിപ്ലാക്കൽ, ജറീന റോയ്, സി.ഡി.എസ് ചെയർപേഴ്സൺ ശ്രീജമോൾ കെ.ആർ, ക്ലാർക്ക് ദീപക് തുടങ്ങിയവർ സംസാരിച്ചു.