Kodanchery
കോടഞ്ചേരി ഗ്രാമപഞ്ചായത്ത് വഴിയോര വിശ്രമ കേന്ദ്രം ഉദ്ഘാടനവും, ജനപ്രതിനിധികളെ ആദരിക്കലും ഇന്ന്
കോടഞ്ചേരി: കോടഞ്ചേരി ഗ്രാമപഞ്ചായത്ത് 2020-21 വാർഷിക പദ്ധതിയിൽ ഉൾപ്പെടുത്തി നിർമ്മിച്ച വഴിയോര വിശ്രമകേന്ദ്രം തിരുവമ്പാടി എം എൽ എ ലിന്റോ ജോസഫ് ഇന്ന് ഉദ്ഘാടനം ചെയ്യും. ജില്ലയിലെ പ്രധാന ടൂറിസം കേന്ദ്രമായ കോടഞ്ചേരിയിൽ വിദേശികൾക്കും, സാധാരണ ആളുകൾക്കും, ഭിന്നശേഷിക്കാർക്കും ഒരുപോലെ ഉപയോഗിക്കാൻ കഴിയുന്ന ശുചിമുറി, ഫീഡിങ് റൂം, ക്ലോക്ക് റൂം, കഫെറ്റേറിയ തുടങ്ങിയ സൗകര്യങ്ങളോടെയാണ് വിശ്രമകേന്ദ്രത്തിൽ ഒരുക്കിയിരിക്കുന്നത്.
ഒക്ടോബർ 30ന് ഉച്ചയ്ക്ക് 2 മണിക്ക് കോടഞ്ചേരി പഞ്ചായത്ത് പ്രസിഡന്റ് അലക്സ് തോമസ് ചെമ്പകശേരിയുടെ അധ്യക്ഷതയിൽ നടക്കുന്ന ചടങ്ങിൽ ജനകീയാസൂത്രണ രജത ജൂബിലി ആഘോഷങ്ങളുടെ ഭാഗമായി 1995 മുതൽ 2020 വരെയുള്ള കാലയളവിലെ ജനപ്രതിനിധികളെ ആദരിക്കും. ചടങ്ങിൽ ജനപ്രതിനിധികളും രാഷ്ട്രീയ സാമൂഹ്യ രംഗത്തെ പ്രമുഖരും പങ്കെടുക്കും.