ജീവന് ഭീഷണിയായ നരഭോജി കടുവയെ വെടിവെച്ചു കൊല്ലണം; ആവശ്യവുമായി കർഷക കോൺഗ്രസ്

അടിവാരം: നരഭോജി കടുവയെ കണ്ടെത്തിയ താമരശ്ശേരി ചുരത്തിനു പരിസര പ്രദേശത്തെ പരിഭ്രാന്തരായ ജനങ്ങളുടെ ജീവനും സ്വത്തിനും സംരക്ഷണം നൽകാനുമുള്ള അടിയന്തിര നടപടികൾ സർക്കാർ സ്വീകരിക്കണമെന്നും കണലാട് സെക്ഷൻ ഓഫീസിൽ ആവശ്യമായ ഫോഴ്സും വാഹന സൗകര്യവും അനുബന്ധ സൗകര്യങ്ങളും അടിയന്തരമായി ലഭ്യമാക്കണമെന്നും കർഷക കോൺഗ്രസ് ജില്ലാ പ്രസിഡന്റ് അഡ്വ: ബിജു കണ്ണന്തറ ആവശ്യപ്പെട്ടു. ഡി.എഫ്.ഒയുമായും കണലാട് ഫോറസ്റ്റ് ഓഫീസിലെ ഉദ്യോഗസ്ഥരുമായും നിലവിലെ സാഹചര്യങ്ങളെ കുറിച്ച് ജില്ലാ പ്രസിഡന്റ് ചർച്ച നടത്തി.
കോൺഗ്രസ് പുതുപ്പാടി മണ്ഡലം പ്രസിഡണ്ട് രാജേഷ് ജോസ്, പുതുപ്പാടി ഗ്രാമപഞ്ചായത്ത് വൈസ് പ്രസിഡണ്ട് ഷിജു ഐസക്, ഗ്രാമപഞ്ചായത്ത് അംഗം ബീന തങ്കച്ചൻ, സന്തോഷ് മാളിയേക്കൽ, കർഷകകോൺഗ്രസ് ജില്ലാ സെക്രട്ടറി കമറുദ്ദീൻ അടിവാരം, തിരുവമ്പാടി നിയോജക മണ്ഡലം പ്രസിഡണ്ട് ഷിജു ചെമ്പനാനിയിൽ, ജിതിൻ പല്ലാട്ട്, സണ്ണി പുലിക്കുന്നേൽ, ഷറഫുദീൻ, ഗഫൂർ ഒതയോത്ത്, പുരുഷൻ നെല്ലിമൂട്ടിൽ തുടങ്ങിയവർ സന്ദർശക സംഘത്തിൽ ഉണ്ടായിരുന്നു.