കോടഞ്ചേരിയിലെ പോലീസ് സ്‌റ്റേഷൻ കെട്ടിട നിർമ്മാണത്തിന് 3 കോടി രൂപയുടെ ഭരണാനുമതി

കോടഞ്ചേരി: 2023-24 സാമ്പത്തിക വർഷത്തിൽ പോലീസ് സ്‌റ്റേഷനുകൾ ആധുനികവത്കരിക്കുന്ന പദ്ധതിയുടെ ഭാഗമായി കോഴിക്കോട് റൂറലിലെ കോടഞ്ചേരി പോലീസ് സ്‌റ്റേഷന് കെട്ടിടം നിർമ്മിക്കുന്നതിന് 3 കോടി രൂപ അനുവദിച്ച് ഭരണാനുമതി നൽകിയതായി ലിന്റോ ജോസഫ് എംഎൽഎ അറിയിച്ചു.

ആധുനിക സൗകര്യങ്ങളോടെയാണ് കെട്ടിടം നിർമ്മിക്കുന്നത്.സാങ്കേതികാനുമതി ലഭിച്ചതിന് ശേഷം ടെൻഡർ ചെയ്ത് പ്രവൃത്തി ആരംഭിക്കുമെന്നും എം.എൽ.എ അറിയിച്ചു.