കോടഞ്ചേരി : 2023-24 അധ്യയന വർഷം വ്യത്യസ്തവും നൂതനവുമായ അക്കാദമിക പ്രവർത്തനങ്ങൾ നടപ്പാക്കിയ മികച്ച ഹൈ സ്കൂളിനുള്ള സമഗ്ര ശിക്ഷാ കേരളം ( എസ്. എസ്. കെ ) – കൊടുവള്ളി ബി ആർ സി തല പുരസ്കാരം കണ്ണോത്ത് സെന്റ് ആൻ്റണീസ് ഹൈ സ്കൂളിനു ലഭിച്ചു.
ബി.ആർ. സി ഹാളിൽ വെച്ചു നടന്ന ചടങ്ങ്. കൊടുവള്ളി ബ്ലോക്ക് പഞ്ചായത്ത് പ്രസിഡൻ്റ് . കെ.എം അഷ്റഫ് ഉദ്ഘാടനം ചെയ്തു. കൊടുവള്ളി ഉപജില്ലാ വിദ്യാഭ്യാസ ഓഫീസർ അബ്ദുൽ ഖാദർ സ്കൂൾ ഹെഡ്മാസ്റ്റർ റോഷിൻ മാത്യുവിന് പുരസ്കാരം കൈമാറി. താമരശ്ശേരി ഉപജില്ലാ വിദ്യാഭ്യാസ ഓഫീസർ സതീഷ് കുമാർ,കൊടുവള്ളി ബി.പി.സി മെഹർ അലി വി.എം എന്നിവർ പ്രസംഗിച്ചു.
