തിരുവമ്പാടി : മലയോരത്തെ വന്യമൃഗശല്യത്തിന് ശാശ്വതപരിഹാരം ആവശ്യപ്പെട്ട് ആം ആദ്മി പാർട്ടി 25 ദിവസമായി തിരുവമ്പാടി വില്ലേജ് ഓഫീസിനു മുമ്പിൽ നടത്തി വന്ന അനിശ്ചിതകാല സത്യാഗ്രഹം ലോക്സഭാ തിരഞ്ഞെടുപ്പിന്റെ പശ്ചാത്തലത്തിൽ താത്കാലികമായി അവസാനിപ്പിച്ചു.
സൂചനാസമരം മാത്രമാണിതെന്നും വരുംനാളുകളിൽ സമരം കൂടുതൽ ശക്തമായി ആരംഭിക്കുമെന്നും നേതാക്കൾ പറഞ്ഞു. സമരസമിതി കൺവീനർ ജോസ് മുള്ളനാനിയുടെ അധ്യക്ഷതയിൽ ചേർന്ന യോഗത്തിൽ മനു പൈമ്പള്ളിൽ സണ്ണി വി. ജോസഫ്, ലിൻസ് ജോർജ്, കെ.എം. ജോൺ, അബ്രഹാം വാമറ്റത്തിൽ, ജെയിംസ് മറ്റത്തിൽ, ബേബി ആലയ്ക്കൽ, ജോൺസൺ അബ്രഹാം, എലിയാസ് പാടത്തുകാട്ടിൽ എന്നിവർ സംസാരിച്ചു.
