തിരുവമ്പാടി : മണ്ഡലത്തിൻ്റെ സമഗ്ര വികസനത്തിനുതകുന്ന വയനാട്ടിലെ സാധാരണ ജനങ്ങളുടെ പതിറ്റാണ്ടുകളായുള്ള ഗതാഗത പ്രശ്നങ്ങൾക്ക് പരിഹാ രമാവുന്ന,കോഴിക്കോടിൻ്റെ കിഴക്കൻ മലയോര മേഖലയുടെ വികസനത്തിൽ സുപ്രധാന പങ്ക് വഹിക്കുന്ന കേരളത്തിൻ്റെ സ്വപ്ന പദ്ധതിയാണ് ആനക്കാംപൊയിൽ കള്ളാടി മേപ്പാടി തുരങ്കപാതയുടെ നിർമ്മാണം ആരംഭിക്കാനിരിക്കെ ചില തത്പരകക്ഷികളും കപട പരിസ്ഥിതിവാദികളും ഈ പദ്ധതിക്കെതിരെ ദുഷ്പ്രചരണങ്ങൾ നടത്തുന്നതും പദ്ധതി അട്ടിമറിക്കാൻ ശ്രമിക്കുന്നതും വളരെ പ്രതിഷേധാർഹമാണന്ന് തിരുവമ്പാടി നിയോജകമണ്ഡലം എംഎൽഎ ലിൻ്റോ ജോസഫ്.
നാടിനെക്കുറിച്ച് യാതൊന്നുമറിയാത്ത,ഇവിടുത്തെ ജനങ്ങളുടെ ജീവിത പ്രയാസങ്ങളെക്കുറിച്ച് പോലും ചിന്തയില്ലാത്തവ രാണ് ഇത്തരം പ്രവർത്തനങ്ങളുടെ പിന്നിൽ എന്നും.ഇതിനെ കക്ഷിരാഷ്ട്രീയ ഭേദമന്യേ ശക്തമായ ജനകീയ പ്രക്ഷോഭം കൊണ്ട് പരാജയപ്പെടുത്തേണ്ടതുണ്ടന്നും.തുരങ്കപാതക്കെതിരായ ദുഷ്പ്രചരണങ്ങളെ പ്രതിരോധിക്കുന്നതി നും വികസന വിരോധികളെ ഒറ്റപ്പെടുത്തുന്നതിനും പ്രതിഷേധ സദസ് സംഘടിപ്പിക്കുന്നതിനെ കുറിച്ച് ചർച്ച ചെയ്യുന്നതിനും തീരുമാനമെടുക്കുന്നതിനും 2025 ജനുവരി 3 ന് വൈകുന്നേരം 4 മണിക്ക് തിരുവമ്പാടി അനുരാഗ് ഓഡിറ്റോറിയത്തിൽ വെച്ച് നടക്കുന്ന സർവ്വകക്ഷി യോഗം നടക്കുമെന്നും പത്രക്കുറിപ്പിൽ കൂട്ടിച്ചേർത്തു.
