പന്ത്രണ്ടാമത് മലബാർ റിവർ ഫെസ്റ്റിവൽ: വിവിധ സബ് കമ്മിറ്റികളുടെ അവലോകന യോഗം നടത്തി
കോടഞ്ചേരി: പന്ത്രണ്ടാമത് മലബാർ റിവർ ഫെസ്റ്റിവലിന്റെ ഭാഗമായി വിവിധ സബ് കമ്മിറ്റികളുടെ അവലോകനവും സബ് കമ്മിറ്റികളുടെ പൂർത്തീകരണ യോഗവും കോടഞ്ചേരി ഗ്രാമപഞ്ചായത്ത് രാജീവ് ഗാന്ധി ഓഡിറ്റോറിയത്തിൽ നടന്നു.
വിവിധ ഗ്രാമപഞ്ചായത്തുകളുടെ നേതൃത്വത്തിൽ നിരവധി അനുബന്ധ പരിപാടികൾ സംഘടിപ്പിക്കാനും യോഗത്തിൽ തീരുമാനമായി. മഴ നടത്തം, കാളപൂട്ട് മത്സരം, വടംവലി, സൈക്കിൾ മാരത്തൺ, ഓഫ് റോഡ് മാരത്തൺ തുടങ്ങിയ വിവിധ ഇവന്റുകൾ ഫെസ്റ്റിവലിന്റെ ഭാഗമായി നടത്താനാണ് തീരുമാനം.
തിരുവമ്പാടി എംഎൽഎ സി.കെ. കാസിം അധ്യക്ഷത വഹിച്ചു. ഡെപ്യൂട്ടി കളക്ടർ മാളവിക ജി. നായർ സബ് കമ്മിറ്റി അവതരണം നടത്തി. കേരള അഡ്വഞ്ചർ ടൂറിസം സി.ഇ.ഒ ബിനു കുര്യാക്കോസ് പദ്ധതി വിശദീകരിച്ചു.
കൊടുവള്ളി ബ്ലോക്ക് പഞ്ചായത്ത് പ്രസിഡണ്ട് അംബിക മംഗലത്ത്, കോടഞ്ചേരി ഗ്രാമപഞ്ചായത്ത് പ്രസിഡണ്ട് അന്നക്കുട്ടി ദേവസ്യ, തിരുവമ്പാടി ഗ്രാമപഞ്ചായത്ത് പ്രസിഡണ്ട് ജിതിൻ പല്ലാട്ട്, കൊടുവള്ളി ബ്ലോക്ക് പഞ്ചായത്ത് വൈസ് പ്രസിഡണ്ട് എൻ.സി. ഹുസൈൻ മാസ്റ്റർ, ഗ്രാമപഞ്ചായത്ത് വൈസ് പ്രസിഡണ്ടുമാരായ അലക്സ് തോമസ്, സുജ ടോം, ഗംഗാധരൻ പി.കെ., ജോർജുകുട്ടി കക്കാടംപൊയിൽ, പി.ആർ. അജിത, ജില്ലാ പഞ്ചായത്ത് മെമ്പർ രാജേഷ് ജോസ്, ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ ജോബി ഇലന്തൂർ, കോടഞ്ചേരി പഞ്ചായത്ത് സ്ഥിരംസമിതി അധ്യക്ഷൻ വിൻസെന്റ് വടക്കേമുറിയിൽ, റിയാന സുബൈർ, മിനി സണ്ണി, ബ്ലോക്ക് പഞ്ചായത്ത് മെമ്പർമാരായ സണ്ണി കാപ്പാട്ട്മല, മുഹമ്മദ് വട്ടപ്പറമ്പിൽ, ഡെപ്യൂട്ടി ഡയറക്ടർ ടൂറിസം പ്രദീപ് ചന്ദ്രൻ, സന്തോഷ് കുമാർ ടി.എൻ., കോടഞ്ചേരി പോലീസ് സ്റ്റേഷൻ എസ്.ഐ അബ്ദുൽ ഗഫൂർ, മുക്കം ഫയർ സ്റ്റേഷൻ ഓഫീസർ, രമ്യ ഇ.കെ. (എസ്.ഐ കോളേജ് തിരുവമ്പാടി), ഗ്രാമപഞ്ചായത്ത് മെമ്പർമാരായ ബോസ് ജേക്കബ്, റോയ് കുന്നപ്പള്ളി, ബാബു പട്ടരാട്, നാൻസി ജോഷി, ജിജി എലുവാലുങ്കൽ, വിൽസൺ തറപ്പേൽ, ജോഷി പുള്ളുകാട്ടിൽ, ബേബി വളയത്തിൽ, നിസ്തുൽ ജോസ്, എൻ. സുരേന്ദ്രൻ, പോൾസൺ അറയ്ക്കൽ എന്നിവർ സംസാരിച്ചു.
